Fréttir & tilkynningar

Tara Sóley Mobee frá félagsmiðstöðinni Pegasus kom, sá og sigraði í söngkeppni félagsmiðstöðva Kópavogs sem fram fór í Salnum á dögunum. Tara Sóley flutti frumsamið lag „ With you“. Elín Ylfa Viðarsdóttir lék undir á víólu. Níu söngatriði kepptu um þrjú efstu sætin. Mikil spenna ríkti á söngkeppninni og ljóst að margt hæfileikaríkt ungt fólk býr í Kópavogi.

Patrik snær Kristjánsson, nemandi í Hörðuvallaskóla, hreppti fyrsta sætið í ljóðasamkeppni grunnskóla Kópavogs fyrir ljóðið Næturhimininn.

Anton Helgi Jónsson skáld hlaut í dag Ljóðstaf Jóns úr Vör fyrir ljóð sitt „Horfurnar um miðja vikuna“ í árlegri ljóðasamkeppni Kópavogsbæjar.

Lista- og menningarráð Kópavogsbæjar auglýsir eftir listamönnum, hópum eða einstaklingum, til að vera með listviðburði á Kópavogsdögum, menningarhátíð Kópavogsbæjar. Að þessu sinni fara Kópavogsdagar fram 8. til 11. maí 2014 og verða þá haldnir í ellefta sinn. Umsóknarfrestur rennur út 14. febrúar.

Oddur Helgason ættfræðingur afhenti Ármanni Kr. Ólafssyni bæjarstjóra nýverið forlát Íslandskort sem sýnir landnámið. Oddur vill að Héraðsskjalasafn Kópavogs fái kortið til varðveiðslu.

Nýliðið ár 2013 var metár í aðsókn að Héraðsskjalasafni Kópavogs. Heimsóknum hefur fjölgað hratt síðan safnið flutti í nýtt húsnæði vorið 2012. Rúmlega 100% aukning varð milli 2011 og 2012, og 40% aukning varð á milli 2012 og 2013.

Íþróttaráð Kópavogs veitti í liðinni viku alls fimmtán íþróttamönnum úr Kópavogi styrki úr Afrekssjóði ráðsins. Hver styrkur hljóðar upp á 100.000 krónur.

Sjö starfsmenn Kópavogsbæjar eiga um þessar mundir 25 ára starfsafmæli. Þeir voru af því tilefni heiðraðir af samstarfsfélögum sínum við hátíðlega athöfn í bæjarstjórnarsal Kópavogsbæjar í dag.

Auðunn Jónsson kraftlyftingamaður úr Breiðabliki og Rakel Hönnudóttir knattspyrnukona úr Breiðabliki voru kjörin íþróttakarl og íþróttakona Kópavogs fyrir árið 2013.

Á stjórnarfundi SSH ( Samtaka sveitarfélaga á höfuðborgarsvæðinu ) hinn 6. janúar 2014 var undirritaður nýr samstarfssamningur um rekstur skíðasvæða höfuðborgarsvæðisins. Aðilar að samningnum eru Mosfellsbær, Reykjavíkurborg, Seltjarnarnes, Kópavogur, Garðabær og Hafnarfjörður.