Reiknivél leikskólagjalda

Systkinaafsláttur
Systkinaafsláttur reiknast af dvalargjöldum en ekki fæðisgjöldum. Systkinaafsláttur fer eftir fjölda yngri systkina.
Við útreikning á systkinaafslætti leikskólabarna eru talin með öll yngri systkini sem eru í leikskóla eða hjá dagforeldri.
Systkinaafsláttur í leikskóla er 30% ef barn á eitt yngra systkin, en 100% ef barn á tvö yngri systkini eða fleiri.
Systkinaafsláttur í frístund grunnskóla er 30% ef barn á eitt yngra systkin, 75% ef barn á tvö yngri systkini og 100% ef barn á þrjú yngri systkini eða fleiri sem eru í frístund, leikskóla eða hjá dagforeldri.
Systkinaafsláttur er eini afslátturinn sem reiknast ofan á aðra afslætti.
Ekki þarf að sækja sérstaklega um systkinaafslátt þar sem hann reiknast sjálfkrafa í skráningarkerfinu Völu sem heldur utan um skráningar barna hjá dagforeldrum, sem og í leikskóla og frístund.

Tekjutengdur afsláttur
Tekjutengdan afslátt og tekjuviðmið frá 1. janúar 2024 má sjá hér að neðan:

Frekari upplýsingar um tekjutengdan afslátt er að finna í reglum um tekjutengdan afslátt.

Hægt er að sækja um tekjutengdan afslátt í þjónustugátt. Umsókn um afslátt þarf að berast fyrir 20. dag mánaðar til þess að taka gildi frá og með næstu mánaðarmótum á eftir. Afsláttur er ekki veittur afturvirkt.

Fæðisgjöld
Sjá nánar í gjaldskrá

Dvalartími
Bent er á að hægt er að hafa mismunandi dvalartíma milli daga og að öll stytting á dvalartíma kemur til lækkunar á leikskólagjöldum. Útreikningur leikskólagjalda byggir á nákvæmu meðaltali dvalartíma á dag og geta dvalargjöld því verið milli gjaldflokka eins og þeir birtast í gjaldskrá.

Dvalartími mismunandi milli daga
Frá 1. janúar 2024 geta foreldrar óskað eftir að barn sé í dvöl 4 daga í viku í stað 5 daga. Foreldrar geta ekki valið 4 daga dvöl í Völu eða reiknivél heldur þurfa foreldrar að senda á viðkomandi leikskólastjóra ósk um 4 daga dvöl sé þess óskað.

Fyrirvari. Athugið að útreikningar í reiknivél eru birtir með fyrirvara um mögulegar villur. Ef um misræmi er að ræða gilda upplýsingar í gjaldskrá.