Fréttir & tilkynningar

Nýr verktaki tók við sorphirðu í Kópavogi 1. ágúst. Í kjölfarið tók nýtt sorphirðudagatal gildi. Hirðutíðni mun haldast óbreytt fyrir alla úrgangsflokka á tveggja vikna fresti.

Tafir hafa orðið á sorphirðu í Kópavogi undanfarið en verið er að vinna þær upp með það að leiðarljósi að að hver úrgangsflokkur verði hirtur á tveggja vikna fresti.

Axel Ingi Árnason hefur verið ráðinn forstöðumaður Salarins.

Námskeið fyrir grunnskólakennara í Kópavogi voru haldin í áttunda skipti en þau hafa verið haldin í aðdraganda skólasetningar síðan 2017 í þessu formi. Dagskráin stóð yfir í fjóra daga frá 9:00 - 16:00 en síðasti dagur námskeiðanna var miðvikudagur 14. ágúst.

Sundlaugar í Kópavogi verða lokaðar frá 21.30 þann 19.ágúst til 18.00 þann 21.ágúst. Ástæðan er lokun Veitna á heitu vatni vegna tengingar á nýrri flutningsæð.

Lista- og menningarhátíðin Hamraborg Festival verður haldin dagana 29. ágúst til 5. september 2024 en þetta er í fjórða skipti sem hátíðin er haldin. Standandi sýningar verða opnar í viku en gjörningar, tónleikar og vinnusmiðjur verða frá föstudegi til sunnudags.

Á þessum tíma árs skarta rósir sínu fegursta. Í tilefni þess var rósaskoðunarganga í Trjásafninu í Meltungu haldin fimmtudag 8. ágúst. Gangan var skipulögð í samstarfi við Rósaklúbb Garðyrkjufélags Íslands en Vilhjálmur Lúðvíksson og Friðrik Baldursson voru með kynningu á garðinum.

Sumardvöl frístundar hefst 12. ágúst í ár 2024 fyrir verðandi nemendur í 1. bekk. Sumarfrístund er skipulögð í anda þeirrar stefnu að skapa bætta samfellu á milli skólastiga.

Margt var um manninn á afmælishátíð Gerðarsafns fimmtudag 8. ágúst síðastliðinn. Í ár fagnar safnið 30 ára starfsafmæli og því var efnt til sýningaropnunar, bókaútgáfu og afhjúpun skúlptúrgarðs í Gerðarsafni.

Skapandi Sumarstörf í Kópavogi veita ungu listafólki á aldrinum 20-26 ára tækifæri til að vinna að eigin listsköpun og hefur það reynst mikilvægur stökkpallur fyrir margt af efnilegasta listafólki landsins. Í sumar eru starfrækt 11 spennandi og ólík verkefni en að baki þeim standa 26 ungir listamenn úr mismunandi listgreinum.