Á námskeiðinu læra foreldrar aðferðir til að draga úr kvíða og auka sjálfstraust barna sinna.

  • Fræðsla um kvíða og mikilvæg atriði í uppeldi barna með kvíða
  • Aðferðir til þess að takast á við kvíða
  • Æfa raunsæja hugsun
  • Takast á við ótta í litlum skrefum
  • Vinna með kvíðastiga
  • Ákveðniþjálfun
  • Byggja upp hugrekki og sjálfstraust
  • Draga úr forðunarhegðun
  • Nýta hvatningu og umbun í vinnu með kvíða

Námskeiðið byggir á aðferðum hugrænnar atferlismeðferðar og eru meðferðarúrræði sem voru þróuð hjá áströlsku rannsóknarmiðstöðinni Macquire University Anxiety Research Unit (MUARU) í samvinnu við Ronald M. Rapee og samstarfsmenn hans.

Upplýsingar

Klókir litlir krakkar - fyrir foreldra 3-7 ára barna

Klókir litlir krakkar er námskeið fyrir foreldra 3-7 ára barna sem með kvíða eða í áhættuhópi fyrir að þróa með sér kvíðaraskanir. Námskeiðið miðar að því að fræða foreldra um eðli kvíða og kenna þeim leiðir til að takast á við kvíðahegðun barna sinna og auka sjálfstraust þeirra. Markmið námskeiðsins er að koma í veg fyrir að börn þrói með sér hegðun sem getur valdið vanlíðan og truflun í daglegu lífi.

Námskeiðið er haldið á 1. hæð í Fannborg 6 og eru samtals 6 skipti, einu sinni í viku, u.þ.b. tvo tíma í senn. Mikilvægt er að foreldrar mæti í alla tímana og mælt er með því að báðir foreldrar sæki námskeiðið. Innifalið í námskeiði er handbók fyrir foreldra. Aðeins er pláss fyrir foreldra 8 barna á hverju námskeiði. Námskeiðsgjaldið er kr. 9500 kr.

 

Sækja um

Fagfólk sem sér um námskeiðið

Guðlaug Marion Mitchison, sálfræðingur.