Jazz- og blúshátíð í Kópavogi

05.10.2014
Björn Thoroddsen hóf Jazz- og blúshátíð 2014 með tónleikum í heimahúsum.
Björn Thoroddsen hóf Jazz- og blúshátíð 2014 með tónleikum í heimahúsum.

Hin árlega Jazz- og blúshátíð í Kópavogi hófst um helgina þegar Björn Thoroddsen gítarleikari hélt um 20 mínútna tónleika í heimahúsum í Kópavogi. Bæjarbúar gátu sótt um að fá tónleikana, sem haldnir voru á föstudags- og laugardagskvöld, heim til sín. Í vikunni verða tónleikar í Gullsmára, félagsmiðstöð aldraðra, í Molanum ungmennahúsi og í Snælandsskóla. Hátíðinni lýkur með tvennum tónleikum í Salnum.

Tónleikarnir í Salnum fara fram föstudagskvöldið 10. október og laugardagskvöldið 11. október.

Fyrra kvöldið í Salnum verða tónleikar með Guitar Islandico. Hljómsveitin hefur gert garðinn frægan með skemmtilegum útsendingum á íslenskum þjóðlögum. Tríóið skipa Gunnar Þórðarson (gítar), Björn Thoroddsen (gítar) og Jón Rafnsson (Kontrabassi)

Seinna kvöldið í Salnum spilar Icelandic All Star Jazzband. Sveitin er skipuð jazzleikurum sem hlotið hafa víðarkenningu víða. Í henni eru: Sigurður Flosason (saxófónn) Tómas R. Einarsson, (kontrabassi) Einar Valur Scheving (trommur), Kjartan Valdemarsson (píanó) Björn Thoroddsen (gítar).

Jazz- og blúshátíð Kópavogs er sem fyrr styrkt af lista- og menningarráði en listrænn stjórnandi hátíðarinnar er Björn Thoroddsen.

Dagskrá vikunnar:

Mánudagurinn 6 okt  kl 16:30 Gullsmárinn  Svavar Knútur  

Þriðjudagur 7 okt  kl 10:00 Snælandsskóli  tónleikar fyrir alla nemendur skólans

Fimmtudagurinn  9. okt  kl 20:00  Molinn  Djamm með unga fólkinu. Allir mæta  hljóðfæri og hlutirnir gerast

Föstudagurinn  10. okt  kl 20:00  Salurinn   Guitar Islancio

Laugardagurinn 11. okt kl 20:00 Salurinn  Icelandic allstar Jazzband

Aftur í yfirlit