Aðalskipulag

Aðalskipulag 2019 - 2040 - Uppdráttur

Þéttbýlis - sveitarfélagsuppdráttur

Aðalskipulag 2019 - 2040 - Greinargerð

Aðalskipulag allir kaflar- flettiskjal

1.kafli Inngangur

2.kafli Byggð

3.kafli Atvinnulíf

4.kafli Umhverfi

5.kafli Grunnkerfi

6.kafli Samfélag

7.kafli Rammahluti

8.kafli Heimildir

9.kafli Viðauki 1, Umhverfisskýrsla

10.kafli Viðauki 2, Niðurstöður mikilvægisgreiningar

11.kafli Viðauki 3, Ferill, kynningar

12.kafli Viðauki 4, Breytingar á aðalskipulagi

13.kafli Viðauki 5, Heimsmarkmið Sameinuðu þjóðanna og stefna Kópavogsbæjar

Framsetning aðalskipulags

Aðalskipulagið er sett fram í greinargerð og uppdráttum. Greinargerðin samanstendur af sjö meginköflum. Þar er nánari útlistun á stefnumörkun bæjarfélagsins um landnotkun og sjálfbæra þróun til ársins 2040. Í viðaukum greinargerðarinnar eru umhverfisskýrsla, niðurstöður mikilvægisgreiningar Heimsmarkmiðanna, yfirlit yfir feril máls og yfirlit yfir breytingar sem gerðar voru á aðalskipulaginu sem gilti 2012-2024 – auk þess Heimsmarkmið Sameinuðu þjóðanna og yfirmarkmið bæjarstjórnar Kópavogs sem byggja á Heimsmarkmiðunum.

Á aðalskipulagsuppdráttum má sjá heildarmynd af landnotkun sveitarfélagsins, vernd og aðrar takmarkanir á landnotkun og samgöngu- og þjónustukerfi. Um er að ræða þéttbýlisuppdrátt fyrir heimalandið og sveitarfélagsuppdrátt fyrir upplandið. Jafnframt fylgir vegaskrá um vegi í náttúru Íslands í 5. kafla greinargerðar.

Hvað er aðalskipulag?

Aðalskipulag er skipulagsáætlun sem nær til alls lands sveitarfélags. Í aðalskipulagi er sett fram stefna sveitarstjórnar um þróun sveitarfélagsins varðandi;

• landnotkun,
• byggðaþróun,
• byggðamynstur,
• samgöngu- og þjónustukerfi
• umhverfismál

Í aðalskipulagi er lagður grundvöllur fyrir gerð deiliskipulags varðandi landnotkun, takmarkanir á landnotkun, samgöngu- og þjónustukerfi og byggðamynstur, þar með talið þéttleika byggðar.

Í aðalskipulagi eða breytingu á því, er heimilt að setja fram nánari stefnu, svo sem um nýbyggingarsvæði eða endurbyggingarsvæði í eldri byggð eða um einstök viðfangsefni.

Aðalskipulag skal byggt á landsskipulagsstefnu, svæðisskipulagi, liggi það fyrir, upplýsingum um náttúru- og menningarminjar og áætlunum um þróun og þarfir sveitarfélagsins.

Þá skal jafnframt gætt að samræmi við skipulagsáætlanir aðliggjandi sveitarfélaga.

Í aðalskipulagi skal marka stefnu til að minnsta kosti tólf ára en jafnframt gera grein fyrir samhengi skipulagsáætlunarinnar og einstakra þátta hennar við langtímaþróun sveitarfélagsins

Aðalskipulag í Kópavogi: Sagan

Vinna við fyrsta heildarskipulag Kópavogs hófst árið 1965 í kjölfar nýrra skipulagslaga frá 1964. Skipulagið var samþykkt 1970 og tók til svæðisins vestan Reykjanesbrautar.

Fyrsta aðalskipulag alls heimalandsins (svæðisins vestan Elliðavatns) var samþykkt í bæjarstjórn 1985 fyrir skipulagstímabilið 1983-2003. Hvorug þessarar áætlana hlaut staðfestingu ráðherra. Fimm sinnum eftir það hefur aðalskipulag bæjarins verið endurskoðað:

• Aðalskipulag Kópavogs 1988-2008 var staðfest af félagsmálaráðherra 23. apríl 1990.
• Aðalskipulag Kópavogs 1992-2012 var staðfest af umhverfisráðherra 29. apríl 1994
• Aðalskipulag Kópavogs 2000-2012 var staðfest af umhverfisráðherra 23. apríl 2002.
• Aðalskipulag Kópavogs 2012-2024 var staðfest af Skipulagsstofnun 24. febrúar 2014.
• Gildandi Aðalskipulag Kópavogs 2019-2040 var staðfest af Skipulagsstofnun 28. desember 2021.