PMTO - foreldrafærni
PMTO námskeið eru fyrir foreldra barna með væga hegðunarerfiðleika. Foreldrar læra aðferðir til að draga úr hegðunarerfiðleikum barns og stuðla að góðri aðlögun þess með því að:
Nánari upplýsingar um aðferðina er að finna á vef PMTO foreldrafærni
Árlega eru haldin tvö námskeið, á vor-og haust önn. Foreldrar á biðlista eftir námskeiði fá sendan tölvupóst um hvenær námskeið hefjast um mánuði fyrr.
Þátttökugjald er 15.000 fyrir fjölskyldu, innifalin eru námskeiðsgögn og símtal milli tímanna sem foreldrar eru hvattir til að nýta sér.
Æskilegt er að báðir foreldrar mæti á námskeiðið og mikil áhersla er lögð á að foreldrar mæti í alla tímana.
Umsóknir eru einungis gildar í 2 ár.
Skólum gefst tækifæri á að senda fagfólk á námskeið í PMTO-grunnmenntun. Megintilgangur námskeiðsins er að efla fagfólk innan skólans til að takast á við hegðunarvanda nemenda með markvissum og jákvæðum hætti. Fagfólki með PMTO- grunnmenntun er ætlað að styrkja annað starfsfólk og foreldra þegar takast þarf á við hegðunarvanda í skóla.
Einstaklingsmeðferð í PMTO er fyrir foreldra barna með flókinn samskipta- og hegðunarvanda. Lögð er áhersla á markvissa vinnu með foreldrum þar sem unnið er sérstaklega út frá þörfum hverrar fjölskyldu. Um er að ræða einstaklingsþjónustu sem felst m.a. í allt að 20 viðtölum hjá PMTO meðferðaraðila. Tímasetning viðtala fer eftir þörfum hverrar fjölskyldu. Unnið er með ákveðna grunnþætti til að stuðla að jákvæðri hegðun barnsins og draga úr samskipta- og hegðunarvanda.
Hægt er að sækja um einstaklingsmeðferð í PMTO með því að fara inn í þjónustugáttina með rafrænum skilríkjum eða Íslykli þar sem lýsandi rökstuðningur þarf að vera fyrir ástæðu umsóknar.
PMTO hópmeðferð (PTC) er 10 vikna hópmeðferð fyrir foreldra barna 6 – 14 ára, með samskipta- og hegðunarvanda. Lögð er áhersla á vinnu með verkfærum PMTO og sveigjanleika til að mæta þörfum hverrar fjölskyldu. Reyndir meðferðaraðilar vinna með hópnum og foreldrar vinna heima á milli tíma. Unnið er með ákveðna grunnþætti til að stuðla að jákvæðari hegðun barnsins og draga úr hegðunarvanda.
PMTO foreldranámskeið er ætlað foreldrum barna á aldrinum 4 - 12 ára með væga hegðunarerfiðleika. Um er að ræða 8 vikna hópnámskeið þar sem PMTO meðferðaraðilar vinna með foreldrum einu sinni í viku, tvo tíma í senn, frá kl. 17:00-19:00. Foreldrar fá heimavinnu sem meðferðaraðilar fylgja eftir með vikulegum símtölum á tímabilinu.
Lilja Rós Agnarsdóttir, félagsráðgjafi og forstöðumaður Áttunnar
Árni Sveinsson, félagsfræðingur og ráðgjafi Áttunnar
Ásdís Emilía Gunnlaugsdóttir, leikskólasérkennari og sérkennsluráðgjafi
Nánari upplýsingar veitir forstöðumaður Áttunnar
Takk fyrir! Ábending þín er móttekin
