Fjárhagsaðstoð er veitt samkvæmt lögum um félagsþjónustu sveitarfélaga og reglum sveitarfélagsins, en samkvæmt þeim er hverjum og einum skylt að framfæra sjálfan sig, maka sinn og börn yngri en 18 ára.
Markmið fjárhagsaðstoðar velferðarsviðs Kópavogs er að tryggja að íbúar bæjarins geti séð fyrir sér og sínum með því að veita þeim þá fjárhagslegu aðstoð sem nauðsyn krefur.
Réttur til fjárhagsaðstoðar:
Til þess að eiga rétt á fjárhagsaðstoð þarf umsækjandi að uppfylla eftirfarandi skilyrði:
Áður en þú sækir um fjárhagsaðstoð skaltu athuga rétt þinn til annarra greiðslna til dæmis frá:
Þá er fjárhagsaðstoð ýmist veitt í formi láns eða styrks. Einstaklingar sem bíða eftir afgreiðslu á umsókn úr öðrum kerfum s.s. hjá Tryggingastofnun ríkisins, Vinnumálastofnun, Sjúkratryggingum Íslands, sjúkrasjóðum stéttarfélaga, lífeyrissjóðum eða öðrum stofnunum, geta sótt um fjárhagsaðstoð í formi láns.
Umsókn um fjárhagsaðstoð:
Sótt er um fjárhagsaðstoð rafrænt á island.is.
Ef þú ert ekki með rafræn skilríki getur þú sótt um í Þjónustuveri velferðarsviðs Kópavogsbæjar á Digranesvegi 1.
Gögn með umsókn um fjárhagsaðstoð:
Þú færð upplýsingar um skil á gögnum í umsóknarferlinu. Gerð er krafa um að kannaður sé réttur frá öðrum aðilum og staðfestingu á því sé skilað inn.
Upphæð fjárhagsaðstoðar tekur mið af skattskyldum tekjum umsækjanda eða hjóna og fólks í sambúð og koma skattskyldar tekjur til frádráttar við útreikning fjárhæðar.
Fjárhagsaðstoð til einstaklings getur verið allt að 246.024 krónur á mánuði og 393.639 krónur á mánuði til hjóna eða fólks í sambúð en fjárhæð fer eftir húsnæðisaðstæðum hverju sinni. Aðstoðin er veitt óháð barnafjölda, þar sem reiknað er með að barnabætur, meðlög, barnalífeyrir og umönnunargreiðslur mæti kostnaði vegna barna.
Sjá nánari upplýsingar um grunnfjárhæðir í reglum um fjárhagsaðstoð.
Þarf ég að greiða skatt af fjárhagsaðstoð?
Öll fjárhagsaðstoð til framfærslu er skattskyld.
Hafa tekjur í mánuðinum á undan áhrif á upphæð fjárhagsaðstoðar?
Allar skattskyldar tekjur í mánuðinum á undan sem fara umfram ein lágmarkslaun skv. kjarasamningum koma til frádráttar. Lágmarkslaun skv. kjarasamningum árið 2024 eru 425.985 krónur.
Hvað gerist þegar ég sæki um?
Umsókn fer í úrvinnslu hjá starfsmanni velferðarsviðs Kópavogs.
Hversu langan tíma tekur afgreiðsla á umsókn?
Þegar öll gögn hafa borist hefur starfsfólk allt að 10 virka daga til að afgreiða umsókn.
Hvað gerist ef að umsókn minni er synjað?
Synjun um fjárhagsaðstoð má skjóta til velferðarráðs Kópavogs. Skal það gert skriflega og eigi síðar en fjórum vikum eftir að viðkomandi barst vitneskja um ákvörðun.
Hvernig endurnýja ég umsókn mína?
Umsókn tekur ávallt gildi í þeim mánuði sem sótt er um. Sækja þarf um áframhaldandi fjárhagsaðstoð mánaðarlega á milli 20. og 25. hvers mánaðar.
Nánari upplýsingar má fá í tölvupósti hjá velferðarsviði eða í síma 441 0000.
Takk fyrir!
Ábending þín er móttekin
