Garðlönd

Staðsetning garðlanda í Kópavogi:

• Við Geðræktarhúsið að Kópavogsgerði 8.
• Í trjásafninu neðan Kjarrhólma í austanverðum Fossvogsdal.
• Neðan við skólagarða í Víðigrund í vestanverðum Fossvogsdal.
• Ofan við leikskólann Núp við Núpalind.
• Við Guðmundarlund á Vatnsenda

Hluti garðlandanna á hverjum stað er hugsaður fyrir þá sem vilja rækta fjölært grænmeti, s.s. rabarbara, graslauk og aðra lauka, skessujurt o.fl. Þeir skikar eru ekki plægðir á hverju vori eins og hin garðlöndin, heldur verða leigjendur sjálfir að sjá um að stinga þau upp á vorin. Þeir sem óska eftir slíkum garði þurfa að taka það fram í umsókninni.

Garðlöndin verða afhent plægð og merkt um miðjan maí, ef veður leyfir, og eins og áður verður á staðnum komið fyrir skiltum sem sýna legu garða og lista yfir leigjendur. Á öllum stöðunum er aðgangur að vatni. Jafnframt verða verkfæri, s.s. skóflur, gafflar, hrífur, vatnskönnur og hjólbörur á staðnum, þó ekki sé hægt að tryggja að alltaf verði nóg fyrir alla. Leigjendur verða sjálfir að útvega sér áburð og plöntur.

Hægt er að sækja um garðlönd í þjónustugátt á kopavogur.is.

Börn á aldrinum 6-13 ára eiga kost á að rækta grænmeti í Skólagörðum Kópavogs. Nánari upplýsingar er að finna á skólagarðar Kópavogs.