Kópavogsbær

Verið hjartanlega velkomin á fyrirlestur Guju Daggar um arkitektúr Högnu Sigurðardóttur. Fyrirlesturinn er um valin verk Högnu Sigurðardóttur (1929-2017), arkitekts sem þekkt er fyrir afar frumlega byggingarlist sína með óvenju persónulega nálgun með innblástur sóttan jafnt í íslenskan byggingararf og samtíma strauma um miðbik 20.aldarinnar. Högna er menntuð í París og vann flest sín verk í Frakklandi. Af þeirri handfylli bygginga sem hún hannaði á Íslandi eru fjórar hannaðar í Kópavoginum á tímabilinu 1961-1991, og verða þeim gerð góð skil með hliðsjón af hugmyndaheimi hennar á bak við verkin. Guja Dögg Hauksdóttir er menntuð arkitekt cand.Arch. frá Arkitektaskólanum í Árósum, Danmörku. Að loknu námi starfaði hún í Árósum en eftir heimkomu til Íslands hefur hún aðallega fengist við byggingarlist á þverfaglegum grundvelli rannsókna og miðlunar á margvíslegu formi - frá þáttagerð og fyrirlestrum til skrifa og kennslu. Guja Dögg er ass. prófessor og fagstjóri við byggingarlistardeild Listaháskóla Íslands. Hún vinnur að bók um ævistarf Högnu undi titlinum Skáldað í steypu. Viðburðurinn er haldin í tengslum við HönnunarMars Meðfylgjandi mynd er eftir Högnu Sigurðardóttur

Ertu byrjandi eða með áralanga reynslu af bróderíi? Viltu kannski rifja upp gamla takta og hitta aðra sem deila sama áhuga? Þá gæti Bróderíklúbburinn hentað fyrir þig. Bróderíklúbburinn hittist á mánudögum á Lindasafni í Núpalind 7 kl. 15:00. Öll velkomin og heitt á könnunni.

Dagana 11.-16. maí verður spila- og púslskiptimarkaður á aðalsafni Bókasafns Kópavogs. Komdu með heilt spil/púsl sem ekkert vantar í og taktu annað í staðinn. Það má bæði skilja eftir og/eða taka spil/púsl án allra kvaða. Njótum með fjölskyldu og vinum og spilum saman í sumar!

Hannyrðaklúbburinn Garn og gaman hittist alla þriðjudaga á 2. hæð aðalsafns kl. 10. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Garn og gaman | Bókasafn Kópavogs

Hannyrðaklúbburinn Kaðlín hittist alla miðvikudaga á 2. hæð aðalsafns. Heitt á könnunni og öll velkomin! Nánari upplýsingar veitir Gréta Björg Ólafsdóttir, gretabjorg@kopavogur.is Fylgist með í Facebook-hópnum Hannyrðaklúbburinn Kaðlín | Bókasafn Kópavogs.

Steinn Kárason, garðyrkjumeistari og M.Sc. í umhverfisfræðum, segir frá algengum íslenskum drykkjar- og lækningajurtum og leiðbeinir um söfnun þeirra, verkun og notkun.  Hann veitir jafnframt tilsögn í að útbúa jurtate, grasaseyði og hvannasúpu og veitir innsýn í þróun og sögu grasalækninga og nýjar rannsóknir sem styðja reynslu forfeðranna.  Stiklað verður á stóru í sögulegu samhengi og áhersla lögð á sjálfbærni og virðingu við náttúruna. Viðburðurinn fer fram á 2. hæð aðalsafns.  Aðgangur ókeypis og öll velkomin á meðan húsrúm leyfir.

Blood Harmony er samstarfsverkefni systkinanna Arnar Eldjárn, Aspar Eldjárn og Bjarkar Eldjárn sem hófst snemma árs 2021 þegar heimsfaraldurinn skall á og sökum þess voru þau flutt í heimahagana fyrir norðan. Þau umbreyttu kjallaranum á æskuheimilinu Tjörn í upptökustúdíó og hófu að taka upp lög sem Örn og Ösp höfðu bæði samið í gegnum árin en aldrei fundið þeim farveg fyrr en í þessu verkefni. Nú fimm árum síðar er loksins komið að því að fagna útgáfu plötunnar, sem kemur út á vínyl og verður hún til sölu á tónleikunum. Þau leika lög af plötunni í heild sinni, auk ábreiða af lögum sem eru í uppáhaldi hjá systkinunum. Á tónleikunum fá þau til liðs við sig Sigmar Þór Matthíasson á bassa og Þorvald Þór Þorvaldsson á slagverk.

Uppskeruhátíð sögustunda Miðvikudaginn 13. maí kl. 16.00 ætlum við að slá til veislu á Bókasafni Kópavogs fyrir yngstu gestina.  Bókasafn Kópavogs fékk á síðasta ári styrk frá Barnamenningarsjóði fyrir verkefnið Töfraheimur ævintýranna þar sem við þróuðum skynjunarsögustundir fyrir 0-5 ára. Í maí munum við hafa haldið opnar skynjunarsögustundir fyrir börn á aldrinum 0-5 ára í heilt ár, ásamt því að hafa tekið á móti fjölda leikskólahópa í hverri einustu viku. Við viljum fagna þessum áfanga með yngstu gestunum okkar á uppskeruhátíð sögustunda.  Rithöfundarnir Sigrún Eldjárn, Þorvaldur Davíð og Bergrún Íris munu öll koma og lesa upp úr bókum sínum fyrir yngstu börnin. Þá verður boðið upp á teiknismiðju með Sigrúnu Eldjárn þar sem börn geta teiknað og litað uppáhalds sögupersónuna sína. Sokkabrúðsmiðju í tengslum við Sokkalabbana og vináttusmiðju í tengslum við bækur Bergrúnar þar sem börn eru beðin um að svara spurningunni Hvað er vinátta? með því, annað hvort að teikna mynd eða skrifa orð.  Einnig verður boðið upp á skynjunarsögustund og léttar veitingar.  Viðburðurinn er styrktur af Barnamenningarsjóði

Improv Ísland fagnar 5 ára afmæli spuna söngvakeppninnar Improvision með sérstakri hátíðarsýningu í Salnum Kópavogi.Improvision er söngvakeppni með evróvisjónískum blæ þar sem öll lögin eru búin til á staðnum ásamt hljómsveit út frá tillögum áhorfenda sem munu svo fá að kjósa sigurvegara keppninnar. Spunaleikararnir vita ekkert hvað þau eru að fara að syngja og hljómsveitin veit ekkert hvað hún er að fara að spila. Söngur, dans, spuni og frábærir leynigestir! Improv Ísland hefur kitlað hláturtaugar áhorfenda í Þjóðleikhúskjallaranum frá árinu 2016 og fjöldi gesta kemur aftur og aftur, enda eru engar tvær sýningar eins. Hver sýning er frumsýning og lokasýning á brakandi fersku gríni sem verður til á staðnum. Spunaleikarar skiptast á að sýna ólík spunaform og þjóðþekktir gestir kíkja í heimsókn og segja sögur úr eigin lífi sem notaðar eru í efnivið fyrir sýningu kvöldsins.

Bókmenntahátíðin Queer Situations verður haldin í annað sinn dagana 14.-17. maí í Reykjavík og Kópavogi. Fjölbreyttir viðburðir ásamt rithöfundum, fræðafólki og listamönnum frá hinum ýmsum löndum setja svip sinn á hátíðina. Dagskrá verður auglýst síðar. Við hlökkum til að sjá ykkur! Queer Situations er bókmenntahátíð sem leggur áherslu á hinsegin bókmenntir í fleiri en einum skilningi: Bækur höfunda sem skilgreina sig sem hinsegin en einnig bókmenntir sem falla út fyrir meginstrauminn (sem kannski er flæðandi). Queer Situations leggur ríka áherslu á að bjóða erlendum höfundum til landsins, til að brjóta upp og opna umræðu um hinsegin bókmenntir á Íslandi. Bókmenntum og umræðu af öllum toga til heilla.Hátíðin var stofnuð í leit að nýju jafnvægi í bókmenntaumræðu og til þess að skapa olnbogarými fyrir bækur skrifaðar af hinsegin höfundum sem ekki skrifa í hefðbundin form. Hinsegin raddir hafa átt undir högg að sækja undanfarin misseri. Það er mikilvægt að hlúa vel að umgjörð í kringum þær, draga þær fram og hlusta. Á hátíðinni er lögð er áhersla á inngildingu og aðgengi. Markmiðið er að efla þátttöku og framlag hóps innan bókmenntanna sem á frekar aðgang að hljóðnemanum í öðru samhengi eða er dreginn fram til hátíðarbrigða. Hátíðin byggir á alþjóðlegu samstarfi, sem og samstarfi við lykilstofnanir í íslensku lista- og bókmenntalífi. Þar má nefna Miðstöð íslenskra bókmennta, Reykjavíkurborg, Menning í Kópavogi (MeKó), Félag íslenskra bókaútgefanda og Örvar (styrktarsjóð á vegum menningar-, nýsköpunar- og háskólaráðherra). Erlendir styrktaraðilar eru Norræni menningarsjóðurinn, Norsk-íslenski samstarfssjóðurinn, Dansk-íslenski samstarfssjóðurinn, Far lit (Bókmenntir frá Færeyjum) og Spænska sendiráðið. ----------------------------------------------- The second edition of Queer Situations literary festival will take place from May 14-17 in Reykjavík and Kópavogur. The festival will feature diverse events and authors and artists from various countries. The program will be introduced shortly. We look forward to seeing you! Queer Situations is a literary festival that focuses on queer literature in more than one sense: books by authors who identify as queer, as well as literature that falls outside the mainstream (which perhaps is constantly changing). Queer Situations puts emphasis on inviting foreign authors to the country, in order to open up the discussion about queer literature in Iceland. Queer voices have faced a serious backlash in recent years. It is important to take care of the setting around them, sharpen the focus, and listen.The festival focuses on inclusion and accessibility. We aim to promote the participation and contribution of a group within literature that has limited access to the microphone in other contexts or is sometimes brought to the scene for decoration. The festival is based on international cooperation, as well as cooperation with key institutions in Icelandic culture. These include the Icelandic Literature Center, the City of Reykjavík, Culture in Kópavogur (MeKó), Fíbút (The Icelandic Publishing Association) and Örvar (Fund of the Icelandic Ministry of Culture, Innovation and Higher Education). Foreign sponsors include Norsk-isländska samarbetsfonden (The Norweigan-Icelandic fund for cooperation), Fondet for Dansk-Islandsk Samarbejde (The Danish-Icelandic fund for cooperation), Far lit (Literature from the Faroe Island) and The Spanish Embassy.

Get Together meet-ups will be held at the Library in Kópavogur, on the first floor in the Tilraunastofa - meeting room. The meet-ups are international meetings open to refugees, asylum-seekers, immigrants, and anyone seeking companionship. Whether you're a family or an individual, you're welcome to join us. Each week, we gather and do relaxing activities like painting, weaving, crafting, and more. It's all about getting together, making new friends, and sharing stories in a warm, supportive space.Get Together meet-ups are a collaboration between GETA aid organization and the Library in Kópavogur.We offer free coffee and treats for everyone! These meet ups are sponsored by Vinnumálastofnun. Get Together heldur alþjóðlegan fjölskyldu- og vinahitting á Bókasafni Kópavogs, á fyrstu hæð í Tilraunastofunni. Þetta er alþjóðlegur hittingur fyrir flóttafólk, hælisleitendur, innflytjendur og öll sem vilja félagsskap.Viðburðurinn er bæði fyrir fjölskyldur og einstaklinga. Í hverri viku munum við hittast og gera eitthvað skemmtilegt saman eins og að mála, prjóna, föndra o.fl. Í Get together hittum við nýja vini og deilum sögum okkar í þægilegu og öruggu umhverfi. Get Together er samstarfsverkefni milli GETA hjálparsamtök og Bókasafn Kópavogs. Við munum bjóða upp á kaffi og með því! Þessi viðburður er styrktur af Vinnumálastofnun.

Þjóðlagatvíeykið Norðfólk gefur út sína fyrstu breiðskífu: Það mælti mín móðir. Af því tilefni verða haldnir útgáfutónleikar í Salnum Kópavogi 17.maí kl. 19:00.  Norðfólk hefur undanfarin ár sérhæft sig í þjóðlögum og hefur unnið með fjölda listamanna á Íslandi og í Noregi. Á plötunni er að finna íslensk og norsk þjóðlög í útsetningum eftir tvíeykið sjálft. Lögin eru flutt með söng, langspili, fiðlu og básúnu. Komdu og fagnaðu þessari einstöku útgáfu með okkur.