Fréttir & tilkynningar

Leikskólinn Kópasteinn fagnar 50 ára starfsafmæli á þessu ári en skólinn var fyrsta dagheimili í Kópavogi.

Sett hefur verið upp hringsjá eða útsýnisskífa á bæjarmörkum Kópavogs og Garðabæjar í Smalaholti, nánar tiltekið vestur af Austurkór 179 í Rjúpnahæð. Hringsjáin er sett upp á landamerkjastöpul í holtinu og er ákaflega víðsýnt frá staðnum.

Listasafn Kópavogs-Gerðarsafn fagnar tuttugu ára afmæli sínu um þessar mundir. Af því tilefni verður afmælissýning opnuð laugardaginn 24. maí kl. 15:00.

Landvernd afhenti Kópavogsbæ Bláfánann í vikunni og var fáninn dreginn að húni við félagsheimili Siglingafélagsins Ýmis. Bláfáninn alþjóðleg umhverfisviðurkenning sem veitt er smábátahöfnum og baðströndum og er útbreiddasta umhverfisviðurkenning sinnar tegundar í heiminum. Bláfáninn er veittur fyrir markvissa umhverfisstjórnun, góða þjónustu og vandaða upplýsingagjöf um aðbúnað og umhverfi.

Hverfisáætlun fyrir Smárahverfi er vel á veg komin en á skipulags- og byggingardeild Kópavogs er nú unnið að hverfisáætlunum fyrir allan Kópavogsbæ.

Fjögur verkefni fengu viðurkenningu skólanefndar Kópavogs, Kópinn, fyrir framúrskarandi starf í grunnskólum bæjarins; Tálgarí í Snælandsskóla, Hafið í Kópavogsskóla, Dægradvölin í Salaskóla og Stærðfræði er skemmtileg í Hörðuvallaskóla.

Á fimmta þúsund leik- og grunnskólabörn í Kópavogi taka þátt í barnamenningarhátíð Kópavogs, Ormadögum, sem hefst mánudaginn 19.maí.

Kópavogsdögum, menningarhátíð Kópavogs, lauk um helgina og var góður rómur gerður að fjölbreyttum viðburðum hátíðarinnar.

Theódór Júlíusson leikari var í dag útnefndur heiðurslistamaður Kópavogs. Á sama tíma voru þrjár listakonur útnefndar bæjarlistamenn, þær Þuríður Blær Jóhannsdóttir, Tinna Sverrisdóttir og Salka Sól Eyfeld.

Kópavogsdagar, menningarhátíð Kópavogsbæjar, hófust í dag. Ármann Kr. Ólafsson bæjarstjóri setti hátíðina sem hófst með gjörningi listakonunnar Eyglóar Benediktsdóttur.