Kópavogsbær hvetur íbúa til að taka til hendinni eftir veturinn og gera garðana tilbúna til að taka á móti vorinu. Opnir gámar verða aðgengilegir íbúum á fimm stöðum í bænum þar sem hægt verður að losa sig við garðaúrgang og trjágreinar.

Gámarnir verða aðgengilegir á eftirfarandi stöðum frá 30. apríl til 19. maí árið 2025.

  • Kársnes, við grenndarstöðina Borgarholti
  • Digranes, við íþróttahúsið Digranesi
  • Smára- og Lindahverfi, neðst á Glaðheimasvæðinu, Álalind 2
  • Sala- og Kórahverfi, við Salalaug
  • Þinga- og Hvarfahverfi, á malarstæðinu við Vallakór 8

Garðaúrgangurinn á ekki að fara í plastpokum eða öðrum ílátum í gáminn. Gámarnir eru einungis fyrir garðaúrgang og óheimilt er að setja annað í gámana. Hægt er að losa annarskonar úrgang á endurvinnslustöðvar SORPU.

Athugið að ekki verður farið í götur bæjarins til að hirða garðaúrgang.