Fréttir & tilkynningar

Nýtt hverfi, Glaðheimar, rís í Kópavogi á næstu árum. Hverfið mun rísa í nokkrum áföngum og hafa lóðir í fyrsta hlutanum, austurhlutanum verið auglýstar til umsóknar. Í Glaðheimum munu rísa tæplega 300 íbúðir í fjölbýli þegar svæðið er fullbyggt. Þetta nýja hverfi rís við hlið gróinna hverfa í Kópavogi, við Lindahverfi, austan Reykjanesbrautar og Smárahverfis. Það hefur því þá sérstöðu á meðal nýbyggingahverfa að öll þjónusta er til staðar fyrir framtíðar íbúa hverfisins.

Níu úr úr starfsliði Kópavogsbæjar áttu 25 ára starfsaldursafmæli á síðasta ári og voru af því tilefni heiðruð við hátíðlega athöfn í bæjarstjórnarsal Kópavogsbæjar. Bæjarstjóri, Ármann Kr. Ólafsson, flutti ávarp og þakkaði þeim farsæl störf hjá bænum. Þá afhenti bæjarstjóri þeim úr með áletruðum upphafsstöfum.

Birgir Leifur Hafþórsson kylfingur úr GKG og Norma Dögg Róbertsdóttir fimleikakona úr Gerplu voru kjörin íþróttakarl og íþróttakona Kópavogs fyrir árið 2014. Kjörinu var lýst á íþróttahátíð Kópavogs í Reiðhöll Spretts 8. janúar. Fengu þau að launum farandbikar og eignarbikar jafnframt því sem Ármann Kr. Ólafsson bæjarstjóri Kópavogs afhenti þeim hvoru um sig 150 þúsund króna ávísun í viðurkenningarskyni frá Kópavogsbæ.

Sorphirðudagatal Kópavog (PDF skjal)s fyrir árið 2015 liggur fyrir. Á dagatalinu eru hverfi bæjarins litamerkt og litapunktar sína á hvaða dögum tunnur eru tæmdar í viðkomandi hverfum. Þá er einnig yfirlit yfir staðsetningu grenndargáma á kortinu. Athugasemdir eða ábendingar skulu berast Þjónustumiðstöð Kópavogs í síma 570 1660.

Lista- og menningarráð Kópavogsbæjar auglýsir eftir umsóknum um styrki úr lista- og menningarsjóði.

Auðbrekkusvæðið í Kópavogi fær nýja ásýnd og nýtt hlutverk þegar skipulag svæðisins verður tekið til endurskoðunar.

Frestur til að skila inn ljóðum í ljóðasamkeppnina Ljóðstafur Jóns úr Vör rennur út 21. desember.

Ný kort sem sýna snjómokstur í Kópavogi eru komin á heimasíðu bæjarins. Kortin sýna hvaða leiðir eru í forgangi í mokstri og söndun gatna í bænum.

Fjárhagsáætlun Kópavogsbæjar fyrir árið 2015 var samþykkt á fundi bæjarstjórnar í gærkvöld.