Fréttir & tilkynningar

Samráðsfundur um sjálfbærni var haldinn í Salnum í Kópavogi þriðjudaginn 18.apríl. Fundurinn er hluti af fundaröð Katrínar Jakobsdóttur forsætisráðherra þar sem sjálfbær þróun á Íslandi er til umfjöllunar.

Ársreikningur Kópavogsbæjar fyrir árið 2022 endurspeglar traustan rekstur þrátt fyrir erfið skilyrði í efnahagsumhverfinu. Þá lækkar skuldaviðmið sveitarfélagsins í 95% og er langt undir lögbundnu lágmarki sem er 150% samkvæmt sveitastjórnarlögum.

Katrín Jakobsdóttir forsætisráðherra býður til opinna samráðsfunda um landið um sjálfbæra þróun á Íslandi. Meðal fundarstaða er Salurinn í Kópavogi og verður Ásdís Kristjánsdóttir bæjarstjóri fundarstjóri á þeim fundi.

Þjónusta við ungmenni í Kópavogi á aldrinum 16 – 25 ára verður efld verulega í Molanum – Miðstöð unga fólksins sem mun hafa það hlutverk að vinna að menntun, velferð og vellíðan ungs fólks. Ungmennahúsið Molinn fær þannig nýtt og aukið hlutverk í þjónustu við ungmenni.

Barnamenningarhátíð í Kópvogi er haldin vikuna 18. – 22. apríl í Kópavogi með fjölbreyttum sýningum, smiðjum og uppákomum og mun dagskráin ná hápunkti með hátíðardagskrá sem fram fer laugardaginn 22. apríl í menningarhúsunum og í Smáralind.

Kópavogsbær býður frítt í sund í tilefni sumardagsins fyrsta, 20. apríl og þá verður líf og fjör á Barnamenningarhátíð bæjarins.

Sópun gatna og gangstíga hófst 30. mars síðastliðinn og hefur gengið samkvæmt áætlun.

Tæplega 20 börn á á aldrinum 9 til 16 ára tóku þátt í fundi með starfsfólki skipulagsdeildar Kópavogs um skipulag leiksvæðis við Lund í Kópavogi.

Finnbogi Birkis Kjartansson frá Kópavogsskóla sigraði Stóru upplestrarkeppnina í Kópavogi, í öðru sæti var Kristín Edda Hlynsdóttir frá Snælandsskóla og í þriðja sæti var Agnes Elín Davíðsdóttir úr Salaskóla.

Hægt er að fara í sund í Kópavogi alla páskana. Eingöngu Salalaug er opin á páskadag og eingöngu Kópavogslaug annan í páskum.