Sumarið komið í Kópavoginn

26.04.2013
Frá hátíðarhöldum á sumardaginn fyrsta 2013.
Frá hátíðarhöldum á sumardaginn fyrsta 2013.

Sumardagurinn fyrsti var að venju haldinn hátíðlegur í Kópavogi með tónlist, skrúðgöngu, ræðum og ýmsum skemmtiatriðum. Fjölmenni tók þátt í hátíðarhöldum sem fram fóru í Fífunni. Skátafélagið Kópar sá eins og undanfarin ár um dagskrána. Starfsfólk Kópavogsbæjar óskar bæjarbúum gleðilegs sumars!

Ef marka má Trausta Jónsson veðurfræðing, sem var í viðtali við Kastljós í vikunni, kemur sumarið fyrst í suðurhlíðar Kópavogs. Það þýðir með öðrum orðum að hitinn mælist mestur þar á vorin, á landinu öllu.

Hinir einu sönnu vorboðar fara svo á kreik á næstu vikum hér í Kópavogi en það eru ungmenni bæjarins sem hafa það verk með höndum að halda bænum hreinum og snyrtilegum yfir sumartímann.

Aftur í yfirlit