Hugmyndasöfnun hafin í Okkar Kópavogi

Hugmyndasöfnun í Okkar Kópavogi er hafin en frá 12.september til 9.október verður hægt að koma hugmyndum á framfæri á vef verkefnisins.

Í Okkar Kópavogi gefst kostur á að leggja fram hugmyndir og eru íbúar hvattir til þess að gefa ímyndunaraflinu lausan tauminn.

Markmið verkefnisins er að hvetja íbúa til að taka þátt í málefnum sem varða nærumhverfi þeirra, fá þá til að leggja fram hugmyndir og forgangsraða og útdeila fjármagni í smærri framkvæmdir á vegum bæjarins með íbúakosningu.

Verkefnið í heild sinni er í þremur liðum; hugmynd, kosning og framkvæmd. Samtals fara allt að 100 hugmyndir áfram í kosningu en kosning fer fram í ársbyrjun 2025. Alls verður um 340 milljónum varið í framkvæmd verkefna á árunum 2025 til 2027.

Þetta er í fimmta sinn sem Okkar Kópavogur fer fram en meðal þess sem íbúar hafa valið í gegnum tíðina eru leiktæki á skólalóðum, skammdegislýsing í Hlíðargarði, æfingatæki, bekkir og gróður.

Setja inn hugmynd í Okkar Kópavog

Lesa meira um Okkar Kópavog