Haustfríið í menningarhúsunum

Menningarhúsin í Kópavogi bjóða börn og foreldra sérstaklega velkomin í haustfríi grunnskólans dagana 26. -28. október.

Dagskrá húsanna er eftirfarandi:

Fimmtudagur 26. október kl. 10-13, Gerðarsafn :

Listsmiðja fyrir alla fjölskylduna í Gerðarsafni þar sem listakrákurnar Iða, Litía og Hringur verða með í för og skoða málverkasýninguna Staðsetningar með þátttakendum. Náttúrufræðistofa verður einnig heimsótt og steinar skoðaðir í smásjá í því skyni að leita tenginga milli myndlistar og vísinda. Listsmiðjan er fyrst og fremst góð samverustund í skapandi umhverfi Gerðarsafns.

Fimmtudagur 26. október kl. 11, Bókasafn Kópavogs aðalsafn:

Starwarsbíó í fjölnotasalnum, Episode IV.

Fimmtudagur 26. október kl. 13, Bókasafn Kópavogs, aðalsafn:

Vísindasmiðja Háskóla Íslands fyrir forvitna krakka

Fimmtudagur 26. október kl. 14, Lindasafn:

Spilastund og notaleg stemning á bókasafninu, Lindasafni.

Föstudagur 27. október kl. 10-13, Gerðarsafn:

Listsmiðja fyrir alla fjölskylduna í Gerðarsafni þar sem listakrákurnar Iða, Litía og Hringur verða með í för og skoða málverkasýninguna Staðsetningar með þátttakendum. Náttúrufræðistofa verður einnig heimsótt og steinar skoðaðir í smásjá í því skyni að leita tenginga milli myndlistar og vísinda. Listsmiðjan er fyrst og fremst góð samverustund í skapandi umhverfi Gerðarsafns.

Föstudagur 27. október kl. 11, Bókasafn Kópavogs aðalsafn:

Starwarsbíóstuði heldur áfram með Episode V.

Föstudagur 27. október kl. 13, aðalsafn:

Episode VI og þar með lýkur Starwarsmaraþoni bókasafnsins.

Laugardagur 28. október Fjölskyldustund tileinkuð hrekkjavökunni á Bókasafni Kópavogs aðalsafni:

Kl. 11: Hrekkjavökusögustund í myrkri. Takið með vasaljósin!

Kl. 12: Dregið úr bangsgetraun í tilefni af Alþjóðlega bangsadeginum.

Kl. 13: Grímusmiðja í umsjón Ingibjargar Huldar sem hefur reynslu af rosalegum grímum. Allt efni á staðnum.

Aðgangur á alla viðburði er ókeypis!!