Dagur umhverfisins á fimmtudag

23.04.2013
Falleg náttúran í Kópavogi
Falleg náttúran í Kópavogi

Árlegur dagur umhverfisins er nú á fimmtudaginn. Kópavogsbær hvetur bæjarbúa til að taka til í sínu nánasta umhverfi í tilefni dagsins og njóta þess sem umhverfið hefur upp á að bjóða.

Starfsmenn Kópavogsbæjar eru þessa dagana á ferðinni til að fjarlægja garðúrgang við lóðarmörk íbúa. Garðúrgang skal setja út við lóðarmörk í pokum og greinaafklippur skal binda í knippi.

Bænum er skipt í hverfi og munu starfsmenn bæjarins fjarlægja garðaúrgang þar eftirtalda daga:

  • Vesturbær og austurbær: 22. apríl, 23. apríl, 24. apríl og 26. apríl
  • Smára-, Linda og Salahverfi: 29. apríl, 30. apríl, 2. maí  og 3. maí
  • Kóra- og Vatnsendahverfi: 6. maí, 7. maí og 8. maí

Því má bæta við að umhverfis- og auðlindaráðuneytið er með skipulagða dagskrá í tilefni dags umhverfisins. Í ár verður haldið málþing í samvinnu við velferðarráðuneytið með yfirskriftinni  Hreint loft – betri heilsa, þar sem áhersla er lögð á loftgæði og heilsufar á Íslandi. Málþingið er haldið þann 24. apríl næstkomandi.

Dagskrá umhverfis- og auðlindaráðuneytisins á degi umhverfisins.

Aftur í yfirlit