Lokun: Kóratorg malbikað

Hringtorg (Kóratorg) á Vatnsendavegi við Kóraveg og Þingmannaleið verður malbikað á miðvikudaginn 26. ágúst á milli kl. 9:30 og 14:00 ef veður leyfir.

Lokað verður fyrir alla umferð á Vatnsendavegi á milli Vallakórs og Fagraþing á meðan framkvæmdum stendur en vegfarendum er bent á hjáleiðir um Breiðholts- og Reykjanesbraut.

Þeim sem erindi eiga í Þingahverfi geta ekið um Vallakór og bílastæði við Íþróttahúsið Kórinn til að komast leiðar sinnar. Beðist er velvirðingar á þeim óþægindum sem lokunin kann að valda og eru ökumenn beðnir um að sýna tillitsemi og virða merkingar.