Kynningarfundur: Breytt deiliskipulag á Dalvegi

Kynningarfundi um breytt deiliskipulag fyrir Dalveg 20-28, Dalveg 30 og síðan Dalveg 32 verður streymt á vef bæjarins. Fundurinn er í ljósi aðstæðna eingöngu rafrænn. 

Fundurinn verður haldinn fimmtudaginn 26. mars 2020. Hann hefst kl. 17.00 og lýkur kl. 18.00. Á honum verða tillögurnar kynntar. Hægt er að beina fyrirspurnum til starfsmanna skipulags- og byggingardeildar um tillöguna á netfangið skipulag@kopavogur.is.

Í kjölfar fundarins verður kynningin aðgengileg á þeim hluta vefsíðu bæjarins þar sem skoða má skipulag í kynningu.  Þar má einnig skoða tillöguna. 

Skipulag í kynningu - smella hér

Eru þeir sem telja sig eiga hagsmuna að gæta hvattir til að kynna sér tillöguna. Athugasemdir og ábendingar skulu hafa borist skriflega til skipulags- og byggingardeildar Umhverfissviðs, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 15:00 mánudaginn 11. maí  2020.

Hér að neðan má lesa auglýsingu um breytt deiliskipulag á Dalvegi 30. 

Dalvegur 30. Breytt deiliskipulag.

Bæjarstjórn Kópavogs samþykkti 10. mars 2020 að auglýsa í samræmi við 1. mgr. 43. gr. skipulagslaga nr. 123/2010 tillögu að breyttu deiliskipulagi fyrir lóðina að Dalvegi 30. Skipulagssvæðið sem er um 3 ha að stærð afmarkast af lóðamörkum Dalvegar 32 til austurs, Kópavogsdal ásamt íbúðarlóðum við Skógar, og Lækjarhjalla til norðurs, Dalvegi 22 og 28 til vesturs og Reykjanesbraut til suðurs. Í breytingunni felst að fjarlægja allar núverandi byggingar á lóðinni og reisa í þeirra stað verslunar- og þjónustuhúsnæði á 3-5 hæðum auk niðurgrafinnar bílageymslu. Hámarks flatarmál bygginga á lóðinni er áætlað 16.500 m² án bílageymslu en hún er áætluð um 4.000 m² að stærð. Gert er ráð fyrir einu bílastæði á hverja 100 m² í geymslurými, einu stæði á hverja 50 m² í skrifstofurými og einu stæði á hverja 35 m² í verslunarrými. Hámarksfjöldi bílastæða á lóð er áætlaður um 470 stæði, þarf af 140 neðanjarðar. Aðkoma að svæðinu breytist með götutengingu í vesturhluta lóðar og breyttum gatnamótum við Dalveg. Lögð verður gata sem tengir núverandi götu sunnan Dalvegar 18 að Dalvegi 32. Hluti Dalvegar breikkar og nýr hjólastígur verður lagður í Kópavogsdal.

Eftirfarandi breytingar verða gerðar á lóðunum að Dalvegi 30a, b og c:

Byggingarreitur við Dalveg 30a gerir ráð fyrir verslun og þjónustuhúsnæði á 4 til 5 hæðum. Hámarks vegg og þakhæð er áætluð 21,2 metrar og hámarks byggingarmagn 10,500 m².

Byggingarreitur við Dalveg 30c gerir ráð fyrir verslun og þjónustuhúsnæði á 3 hæðum. Hámarks vegg og þakhæð er áætluð 14 metrar og hámarks byggingarmagn 3,000 m².

Byggingarreitur við Dalveg 30c gerir ráð fyrir verslun og þjónustuhúsnæði á 3 hæðum. Hámarks vegg og þakhæð er áætluð 14 metrar og hámarks byggingarmagn 3,000 m².

Gert er ráð fyrir um 4.000 m² niðurgrafinni bílageymslu á lóðinni sbr. ofangreint.

Lóðarstærð er óbreytt.

Tillagan er sett fram á uppdrætti í mkv. 1:2000 dags. 27. febrúar 2020 ásamt greinargerð, skýringarmyndum, skipulagsskilmálum, minnisblaði  frá verkfræðistofunni Mannviti dags. 12. febrúar 2020 og hljóðvistarútreikningur dags. í febrúar 2020. Nánar vísast til kynningargagna.

Ofangreind tillaga er aðgengileg á heimasíðu bæjarins, www.kopavogur.is. Eru þeir sem telja sig eiga hagsmuna að gæta hvattir til að kynna sér tillöguna. Athugasemdir og ábendingar skulu hafa borist skriflega til skipulags- og byggingardeildar Umhverfissviðs, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 15:00 mánudaginn 11. maí  2020.

Dalvegur 20-28. Breytt deiliskipulag.

Bæjarstjórn Kópavogs samþykkti 10. mars 2020 að auglýsa í samræmi við 1. mgr. 43. gr. skipulagslaga nr. 123/2010 tillögu að breyttu deiliskipulagi fyrir lóðina að Dalvegi 20-28. Skipulagssvæðið sem er um 4.5 ha að stærð afmarkast af lóðamörkum Dalvegar 30 til austurs, Kópavogsdal til norðurs, Dalvegi 18 til vesturs og Reykjanesbraut til suðurs. Í breytingunni felst að lögð verður tengibraut milli Dalvegar og Reykjanesbrautar með afreinar frá og að Reykjanesbraut. Á tengibraut miðri verður hringtorg sem og á gatnamótum Dalvegar. Lögð verður gata sem tengir núverandi götu sunnan Dalvegar 18 að Dalvegi 30 og 32. Hluti Dalvegar breikkar og nýr hjólastígur verður lagður í Kópavogsdal.

Eftirfarandi breytingar verða gerðar á lóðunum að Dalvegi 20-28:

Á lóð nr. 20 við Dalveg breytast lóðamörk og aðkoma að lóð. Lóð stækkar og verður 3.420 m² eftir breytingu.

Á lóð nr. 22 við Dalveg breytast lóðamörk og aðkoma að lóð. Lóð stækkar og verður 6.376 m² eftir breytingu.

Á lóð nr. 24 við Dalveg er gert ráð fyrir að fjarlægja núverandi byggingar á lóðinni og reisa í þeirra stað verslunar- og þjónustuhús á 4 hæðum auk inndreginnar þakhæðar og niðurgrafinnar bílageymslu á tveimur hæðum. Lóðamörk og aðkoma að lóð breytist. Lóð minnkar og verður 6.198 m² eftir breytingu.

Byggingarreitur sem og heildarflatarmál helst óbreytt frá gildandi deiliskipulagi eða 9,800 m² auk bílageymslu sem ráðgerð er 5.000 m². Krafa er gerð um eitt bílastæði á hverja 35 m² í atvinnuhúsnæði.

Á lóð nr. 26 við Dalveg breytast lóðamörk og aðkoma að lóð. Lóð minnkar og verður 4.420 m² eftir breytingu.

Á lóð nr. 28 við Dalveg breytast lóðamörk og aðkoma að lóð. Lóð minnkar og verður 3.280 m² eftir breytingu.

Tillagan er sett fram á uppdrætti í mkv. 1:2000 dags. 27. febrúar 2020 ásamt greinargerð, skýringarmyndum, skipulagsskilmálum, minnisblaði frá verkfræðistofunni Mannviti dags. 12. febrúar 2020 og hljóðvistarútreikningur dags. í febrúar 2020. Nánar vísast til kynningargagna.

Ofangreind tillaga er aðgengileg á heimasíðu bæjarins, www.kopavogur.is. Eru þeir sem telja sig eiga hagsmuna að gæta hvattir til að kynna sér tillöguna. Athugasemdir og ábendingar skulu hafa borist skriflega til skipulags- og byggingardeildar Umhverfissviðs, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 15:00 mánudaginn 11. maí  2020.

Í ljósi aðstæðna í þjóðfélaginu verður útsending (streymi) á heimasíðu Kópavogsbæjar fimmtudaginn 26. mars 2020 kl. 17:00 – 18:00 þar sem tillagan verður kynnt. Í kjölfarið verður kynningin aðgengileg á heimasíðu bæjarins. Hægt er að beina fyrirspurnum til starfsmanna skipulags- og byggingardeildar um tillöguna á netfangið skipulag@kopavogur.is

Dalvegur 32. Breytt deiliskipulag.

Bæjarstjórn Kópavogs samþykkti 10. mars 2020 að auglýsa í samræmi við 1. mgr. 43. gr. skipulagslaga nr. 123/2010 tillögu að breyttu deiliskipulagi fyrir lóðina að Dalvegi 32. Skipulagssvæðið sem er um 2 ha að stærð og afmarkast af lóðamörkum við Nýbýlavegi til austurs, Kópavogsdal ásamt íbúðarlóðum við Skógar, og Lækjarhjalla til norðurs, Dalvegi 30 til vesturs og Reykjanesbraut til suðurs. Í gildandi deiliskipulagi fyrir Dalveg 32 er gert ráð fyrir 9,300 m² í atvinnuhúsnæði (verslun og þjónustu). Þegar hefur risið um 5.100 m² af atvinnuhúsnæði að Dalvegi 32a og b. Í breytingunni felst að byggingarreitur Dalvegar 32c (á austurhluta lóðarinnar) breytist og verði L- laga 72, 1x 46,4 metrar. Hæð hans verður 3 og 5 hæðir og hámarks hæð 19 metrar. Hámarksflatarmál bygginga á lóðinni þ.e. Dalvegi 32 a, b og c verður um 14.300 m² þar af 2.000 m² í niðurgrafinni bílageymslu og kjallara. Í tillögunni er gert ráð fyrir einu bílastæði á hverja 100 m² í geymslurými, einu stæði á hverja 50 m² í skrifstofurými og einu stæði á hverja 35 m² í verslunarrými. Hámarksfjöldi bílastæða á lóð verður eftir breytingu 300 stæði. Aðkoma að lóðinni frá Dalvegi er óbreytt. Gert er ráð fyrir gatnatengingu milli Dalvegar 30 og 32 í suðvesturhluta lóðarinnar.

 Tillagan er sett fram á uppdrætti í mkv. 1:2000 dags. 27. febrúar 2020 ásamt greinargerð, skýringarmyndum, skipulagsskilmálum, minnisblaði frá verkfræðistofunni Mannviti dags. 12. febrúar 2020 og hljóðvistarútreikningur dags. í febrúar 2020. Nánar vísast til kynningargagna.

Ofangreind tillaga er aðgengileg á heimasíðu bæjarins, www.kopavogur.is. Eru þeir sem telja sig eiga hagsmuna að gæta hvattir til að kynna sér tillöguna. Athugasemdir og ábendingar skulu hafa borist skriflega til skipulags- og byggingardeildar Umhverfissviðs, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 15:00 mánudaginn 11. maí  2020.

Í ljósi aðstæðna í þjóðfélaginu verður útsending (streymi) á heimasíðu Kópavogsbæjar fimmtudaginn 26. mars 2020 kl. 17:00 – 18:00 þar sem tillagan verður kynnt. Í kjölfarið verður kynningin aðgengileg á heimasíðu bæjarins. Hægt er að beina fyrirspurnum til starfsmanna skipulags- og byggingardeildar um tillöguna á netfangið skipulag@kopavogur.is