Kópavogsbær gefur út nýjan skuldabréfaflokk KOP 24 1

Kópavogsbær lauk í dag útboði á nýjum skuldabréfaflokki KOP 24 1. Um er að ræða verðtryggt skuldabréf sem ber fasta 3,25% vexti og munu höfuðstólsafborganir ásamt vöxtum greiðast með jafngreiðslufyrirkomulagi (e. annuity) tvisvar á ári fram að lokagjalddaga þann 3. júní 2055.

Í flokkinn bárust tilboð að fjárhæð 2.555 m.kr að nafnvirði á ávöxtunarkröfu á bilinu 3,20% - 3,50%. Tilboð að nafnvirði 2.555 m.kr. voru samþykkt á kröfunni 3,50%. Heildarstærð flokksins verður því 2.555 m.kr. að nafnvirði eftir útgáfuna.

Áætlaður uppgjörsdagur er 3. júní 2024. Þá er einnig stefnt að töku skuldabréfanna til viðskipta á Aðalmarkaði Nasdaq Iceland þann 3. júní 2024, en þó ekki síðar en 30. júní 2024.

Markaðsviðskipti Arion banka hafa umsjón með útgáfu og sölu skuldabréfanna sem og töku þeirra til viðskipta á Aðalmarkaði Nasdaq Iceland.