Góðar niðurstöður í Efstahjalla

Vel gengur við framkvæmdir í Efstahjalla þar sem unnið er að útskiptum á einangrun í þaki hússins. 

Farið var í lagfæringar á þakrými leikskólans Efstahjalla eftir að myglugró greindist í sýni sem tekið var í þakrými þar í nóvember og fannst í snefilmagni inni í leikskólanum.

Blikktúður þakrými leikskólans hafa verið þéttar en frágangur á þeim var ófullnægjandi. Að þeim viðgerðum loknum voru tekin sýni um allan leikskóla þann 7. dseember og bárust niðurstöður þeirra rétt fyrir jól.

Tekin voru 12 DNA ryksýni og mældust þau öll utan eins innan eðlilegra marka. Eitt sýni reyndist lítillega yfir viðmiðunarmörkum, en þegar sýnin voru tekin hafði ekki verið farið í allsherjarhreingerningu.

Unnið er áfram að útskiptum á einangrun í þaki hússins og hefur það ekki áhrif á starfsemi leikskólans.