Sumardagurinn fyrsti í Kópavogi

20.04.2015
Frá hátíðarhöldum á sumardaginn fyrsta 2013.
Frá hátíðarhöldum á sumardaginn fyrsta 2013.

Haldið verður upp á sumardaginn fyrsta í Kópavogi með skemmtilegri dagskrá nú sem endranær. Dagskráin hefst með helgistund skátanna í Hjallakirkju klukkan ellefu. Klukkan 13.30 verður haldið í skrúðgöngu frá Digraneskirkju í Fífuna. Frá 14.00 til 16.00 verður fjölskylduskemmtun í Fífunni. Þar verða hoppukastalar og boðið upp á fjölbreytt skemmtiatriði, leikhópinn Lottu, tónlistaratriði og dans. Það er skátahreyfingin og Kópavogsbær sem standa að hátíðarhöldunum.

Dagskráin sumardagsins fyrsta :

Klukkan 11:00: Helgistund í Hjallakirkju

Klukkan 13:30: Skrúðganga frá Digraneskirkju í Fífuna.

Klukkan 14:00 - 16:00: Fjölskylduskemmtun í Fífunni.

· Hoppukastalar

· Bæjarstjóri Kópavogs, Ármann Kr. Ólafsson, flytur ávarp

· Tónlistaratriði og fleira skemmtilegt.

· Bjarni töframaður kemur

· Leikhópurinn Lotta. Söngvasyrpa Leikhópsins Lottu er stútfull af söng, sprelli og húmor fyrir unga jafnt sem aldna. Syrpan er brot af því besta í gegnum árin og koma fullt af skemmtilegum persónum í heimsókn

· Sesselja Friðriksdóttir - sigurvegari í söngkeppni félagsmiðstöðva flytur nokkur lög.

· Tara Sóley - flytur frumsamin lög

· Felix og Ásdís María - danspar tekur snúning

Veitingasala á staðnum.

Aftur í yfirlit