Starfstöðvar heimsóttar

15.12.2022
Á myndinni eru frá vinstri: Björg Baldursdóttir, Hólmfríður Hilmarsdóttir, Hjördís Ýr Johnson, Ei…

Á myndinni eru frá vinstri: Björg Baldursdóttir, Hólmfríður Hilmarsdóttir, Hjördís Ýr Johnson, Einar Þorvarðarson, Ásdís Kristjánsdóttir, Rúnar Ívarsson, Páll Marís Pálsson, Sigrún Þórarinsdóttir, Matthías Björnsson, Erlendur Geirdal, Sigríður Þrúður Stefánsdóttir og Jóhanna Lilja Ólafsdóttir.

Aðal- og varamenn í velferðarráði Kópavogsbæjar heimsóttu í vikunni nokkrar starfsstöðvar velferðarsviðs og fengu kynningu á þeirri starfsemi sem þar fer fram í dag. Með í för voru einnig starfsmenn velferðarsviðs, mannauðsstjóri og Ásdís Kristjánsdóttir bæjarstjóri.

Farið var í heimsóknir á starfsþjálfunarstaðinn Örva sem er vinnu- og virkniúrræði fatlaðs fólks, áfangaheimili sem Samhjálp starfrækir með þjónustusamning við velferðarsvið Kópavogsbæjar fyrir 8 einstaklinga, Marbakkabraut sem er herbergjasambýli þar sem fjórir einstaklingar búa og Fossvogsbrún sem er búsetukjarni þar sem 7 einstaklingar búa og tók til starfa í mars 2022.

Mikil ánægja var með heimsóknirnar og var vel tekið á móti hópnum.

Aftur í yfirlit