Sorphirða og flokkun um hátíðirnar

Sorphirðudagatal Kópavogsbæjar mun hliðrast til í kringum jól og áramót. Sorphirðudagatal fyrir hátíðarnar er að finna á vef bæjarins.

 

Skoða sorphirðudagatal

 

Athugið að líta skal á sorphirðudagatalið sem viðmiðunardagatal. Veðurfar, veikindi, bilanir og aðrir ófyrirséðir þættir geta haft áhrif. Íbúar eru beðnir um að moka vel frá ruslatunnum ef það snjóar, svo auðvelt sé að nálgast tunnurnar fyrir þá sem sinna sorphirðu.

Unnið verður hörðum höndum að því að koma sorphirðunni aftur í rétt horf með tveggja vikna hirðutíðni eins fljótt og auðið er í janúar.

 

Íbúar eru hvattir til að nýta sér grenndarstöðvar fyrir umframmagn og endurvinnslustöðvar Sorpu fyrir fyrirferðameira rusl og minnt er á að á vef Sorpu er leitarvél ef fólk er óvisst um hvernig á að flokka. 

 

Leitarvél Sorpu