Samið við Orkusöluna

Kópavogsbær hefur gert samning við Orkusöluna um raforkukaup fyrir byggingar í eigu bæjarins. Samningurinn er gerður að undangengnu útboði þar sem tilboð Orkusölunnar reyndist hagkvæmast. Í útboðsgögnum var gerð krafa um að raforkan væri vottuð 100% endurnýjanleg og staðfesting á að fyrirtækið hefði leyfi til að stunda raforkuviðskipti á Íslandi.

Ármann Kr. Ólafsson bæjarstjóri og Magnús Kristjánsson framkvæmdastjóri Orkusölunnar rituðu undir samninginn. Ármann fékk við tækifærið afhentan Græna ljósið frá Orkusölunni en gripurinn er staðfesting á því að fyrirtæki í viðskiptum um Orkusöluna notar einungis 100% endurnýjanlega raforku, með upprunaábyrgðum samkvæmt alþjóðlegum staðli.

Þess má geta að heildarnotkun Kópavogsbæjar á rafmagni fyrir stofnanir og dælustöðvar eru um 12,7 GWst.á ári.