- Íbúar
- Börn og ungmenni
- Íþróttir & útivist
- Velferð
- Þjónusta
- Skipulagsmál
- Byggingarmál
- Samgöngur
- Umhverfi
- Menning
- Íbúaverkefni
- Stjórnsýsla
- Mannlíf
- þjónustugátt
- Ábendingar
Á þessum tíma árs skarta rósir sínu fegursta. Í tilefni þess var rósaskoðunarganga í Trjásafninu í Meltungu haldin fimmtudag 8. ágúst. Gangan var skipulögð í samstarfi við Rósaklúbb Garðyrkjufélags Íslands en Vilhjálmur Lúðvíksson og Friðrik Baldursson voru með kynningu á garðinum.
Rósagarðurinn er einn þeirra garða sem tilheyra trjásafninu í Meltungu sem má finna austarlega í Fossvogsdal. Garðurinn er samstarfsverkefni Kópavogsbæjar og Garðyrkjufélags Íslands og var gerður árið 2016 en samanstóð þá einungis af norrænu rósayrki.
Á árunum 2018 - 2019 var síðan haldið áfram með gerð tveggja nýrra rósagarða í tengslum við norræna garðinn; annan með kanadískum rósum sem reynst hafa vel hér á landi og hinn með rósum af blönduðum uppruna sem virðast geta þrifist vel í íslensku loftslagi.
Rósaskoðunargangan var vel sótt af bæði félögum Rósaklúbbs Garðyrkjufélags Íslands og Kópavogsbúum og fróðlegt var að hlýða á kynningu Friðriks og Vilhjálms á meðan rósailmur fyllti vitin.