Ljóðstafur Jóns úr Vör 2021

Ljóðstafurinn verður afhentur fimmtudaginn 21. janúar 2021 við hátíðlega athöfn í Salnum í Kópavogi. Þetta er í 20. skipti sem efnt er til ljóðasamkeppni Jóns úr Vör.

Ljóði skal skilað í fjórum eintökum og skal hvert eintak merkt dulnefni. Með fjórritinu skal fylgja eitt lokað umslag merkt dulnefni skáldsins – umslagið skal innihalda upplýsingar um nafn, símanúmer og netfang skáldsins. Einungis umslög sem tilheyra vinnings- og viðurkenningarljóðum verða opnuð en öllum öðrum gögnum verður eytt.

Skilafrestur í keppnina er til og með 4. desember 2020 – póststimpill til og með 4. desember gildir.

Utanáskriftin er Ljóðstafur Jóns úr Vör / Menningarhúsin í Kópavogi / Digranesvegi 1 / 200 Kópavogi. Nánari upplýsingar: menningarhusin@kopavogur.is

Samhliða Ljóðstaf Jóns úr Vör fer fram ljóðasamkeppni á meðal grunnskólanemenda í Kópavogi og verða viðurkenningar veittar 21. janúar 2021. Fyrst var efnt til ljóðasamkeppni á meðal grunnskólanema árið 2012.

Jón úr Vör

Jón úr Vör fæddist á Vatneyri við Patreksfjörð 21. janúar 1917 en starfaði lengst af í Kópavogi þar sem hann var hvatamaður að stofnun bókasafnsins og síðar fyrsti bæjarbókavörður bæjarfélagsins. Jón starfaði að menningarmálum með ýmsum hætti, var til dæmis bæði bóksali og ritstjóri, en fyrst og fremst var hann brautryðjandi í íslenskri ljóðagerð. Fjölmargar ljóðabækur hans lifa með þjóðinni og ber þá helst að nefna óð hans til æskustöðvanna, ljóðabálkinn Þorpið. Jón úr Vör lést 4. mars árið 2000.

Eftirfarandi hafa hlotið Ljóðstaf Jóns úr Vör

2020
Björk Þorgrímsdóttir: Augasteinn

2019
Brynjólfur Þorsteinsson: Gormánuður

2018
Sindri Freysson: Kínversk stúlka les uppi á jökli

2017
Ásta Fanney Sigurðardóttir: Silkileið nr. 17

2016
Dagur Hjartarson: Haustlægð 

2015
Ljóðstafur ekki veittur 

2014 
Anton Helgi Jónsson: Horfurnar um miðja vikuna

2013
Magnús Sigurðsson: Tunglsljós

2012
Hallfríður J. Ragnheiðardóttir: Triptych 

2011
Steinunn Helgadóttir: Kaf 

2010
Gerður Kristný: Strandir

2009 
Anton Helgi Jónsson: Einsöngur án undirleiks 

2008
Jónína Leósdóttir: Miðbæjarmynd

2007
Guðrún Hannesdóttir: Offors

2006 
Óskar Árni Óskarsson: Í bláu myrkri

2005 
Linda Vilhjálmsdóttir: Niður

2004 
Hjörtur Marteinsson: Hvorki hér né ...

2003 
Ljóðstafur ekki veittur

2002 
Hjörtur Pálsson: Nótt frá Svignaskarði