Hönnunarkeppni unga fólksins

Stíll 2018 fer fram í íþróttahúsinu Digranesi laugardaginn 17. mars og er þemað í ár "Drag".

Húsið opnar kl.13 og sýning keppenda um kl.15. Miðaverð er 500.- kr. Frítt inn fyrir 16 ára og yngri.

Stíll er árleg hönnunarkeppni á milli félagsmiðstöðva þar sem keppt er í hárgreiðslu, förðun og fatahönnun út frá ákveðnu þema. Keppnin hefur oftast farið fram í nóvember ár hvert, daginn eftir Rímnaflæði. Keppt hefur  verið í Stíl undir formerkjum Samfés og ÍTK frá því á árinu 2000 en löng hefð hefur fyrir sambærilegri keppni í Kópavogi.

Markmið Stíls eru að hvetja unglinga til listsköpunar og um leið gefa þeim aukin tækifæri til frumlegrar hugsunar og sköpunarhæfileika. Vekja jákvæða athygli á því hvað unglingar eru að gera á sviði sköpunar og gefa þeim kost á að koma sínum hugmyndum á framfæri utan félagsmiðstöðvanna. Einnig að unga fólkið komist í kynni við fleiri sem hafa áhuga á sama sviði.

Smelltu til að skoða auglýsingu