Hjól fyrir starfsfólk á bæjarskrifstofum

Starfsfólki á bæjarskrifstofum Kópavogs býðst nú að fá lánuð hjól í þjónustuveri í stuttar ferðir fyrir bæinn. Þetta er í samræmi við ákvörðun umhverfis - og samgöngunefndar. Tilgangurinn er að hvetja fólk til þess að nota vistvænar samgöngur og efla um leið heilsu og úthald. Hjólin eru tvö og fylgja þeim reiðhjólahjálmar og endurskinsvesti.

Þéttriðið net göngu- og hjólreiðastíga er um allan Kópavog og víða má komast um á hjóli á innan við sex mínútum.

 

Formaður umhverfis - og samgöngunefndar, Margrét Björnsdóttir, prófaði hjólin í dag ásamt umhverfisfulltrúa bæjarins, Sólveigu H. Jóhannsdóttur.