Hjartadagshlaupið fer fram 21.september

Hjartadagshlaupið fer fram laugardaginn 23. september kl. 10.00 en það er haldið í tilefni Alþjóðlega hjartadagsins. Í boði eru tvær tímamældar vegalengdir, 5 km og 10 km. Ræst er kl. 10.00 í báðar vegalengdir inn á Kópavogsvelli en hlaupið er út Kársnes og til baka í mark inn á Kópavogsvöll. Drykkjarstöð verður á miðri hlaupaleið og eftir 5 km og við endamark. Hlaupaleiðin hefur fengið löglega mælingu.

Verðlaun

Verðlaun fyrir fyrsta karl og konu í báðum hlaupum og vegleg útdráttarverðlaun. Verðlaunaafhending fer fram strax að hlaupi loknu.

Skráning og þátttökugjald

Skráningu lýkur fimmtudaginn 21. september og fer hún fram á netskráningu. Einungis 400 númer verða í boði.

• 10 km hlaup kostar 5.000 kr
• 5 km hlaup kostar 3.000 kr

Hlaupagögn verða afhent í versluninni Hlaupár í Fákafeni 11, milli 11 og 18 frá 11. - 22. september.

Aðrar upplýsingar

ÞÁTTTAKENDUR ERU HVATTIR TIL AÐ KLÆÐAST RAUÐU.

Hjartadagshlaupið er haldið í tilefni Alþjóðlegs hjartadags sem haldinn er í yfir 120 löndum á hverju ári. Markmið Hjartadagsins, er að auka vitund og þekkingu almennings á ógnum hjarta- og æðasjúkdóma og leggja áherslu á heilbrigða lífshætti svo að börn, unglingar og fullorðnir um allan heim öðlist betra og lengra líf.