Evrópska samgönguvikan í Kópavogi

Kópavogsbær tekur þátt í evrópsku samgönguvikunni sem hefst fimmtudaginn 16.september. 

Dagskráin í Kópavogi er eftirfarandi:

16. september, 16.00-18.00: Dr. Bæk verður við Menningartorfuna í Kópavogi og yfirfer reiðhjól.

18. september, 10.00: Hjólaferð, Lagt af stað frá Hálsatorgi.

22. september , 17.00: Náttúruganga í Guðmundarlundi. Lagt af stað frá húsnæði Skógræktarfélagsins. Skógræktarfélag Kópavogs og Markaðsstofa Kópavogs sjá um viðburðinn.

22. september: Bíllausi dagurinn – Frítt í strætó bs. á höfuðborgarsvæðinu

Frá árinu 2002 hafa borgir og bæir á Íslandi tekið þátt í samstilltu átaki sveitarfélaga í Evrópu um að ýta undir sjálfbærar samgöngur. Yfirskrift átaksins er Evrópsk Samgönguvika og er hún haldin 16. – 22. september ár hvert. Markmið vikunnar er að kynna íbúum í þéttbýli samgöngumáta sem allt í senn eru vistvænir, hagkvæmir og bæta heilsu fólks um leið og þeir hafa jákvæð áhrif á umhverfi og andrúmsloft.

Fyrirtæki, stofnanir og félagasamtök geta einnig skráð til leiks einstaka viðburði eða aðgerðir sem ætlað er að ýta undir vistvænar samgöngur. Yfirskrift þessa verkefnis er MobilityActions á ensku sem hefur verið þýtt sem Samgönguplús á íslensku.

Frekari upplýsingar um Evrópska samgönguviku á Íslandi má finna á Facebook-síðu vikunnar.

Nánar má lesa um átakið á vefsíðu European mobility week.

Þema Samgönguviku ársins 2021 er Veljum grænu leiðina. 

Nánari upplýsingar um evrópsku samgönguvikuna.