Ungt fólk í Kópavogi

Foreldrum nemenda í 8. til 10. bekk í Kópavogi verður boðið á stafræna kynningu á niðurstöðum rannsóknar 9. og 11. febrúar næstkomandi klukkan 20.00. Vegna aðstæðna í ljósi Covid-19 verða kynningarnar með stafrænum hætti þetta árið og munu skólarnir senda fundarhlekk á foreldra.

Síðastliðið vor birtust niðurstöður rannsóknar Lýðheilsa ungs fólks og líðan  í Kópavogi, rannsókn meðal nemenda í 8., 9. og 10.bekk. Framkvæmd og úrvinnsla rannsóknarinnar var á vegum Rannsókna & greiningar í Háskólanum í Reykjavík. 

Í skýrslunni er ungt fólk  í Kópavogi skoðað sérstaklega og borin saman við höfuðborgarsvæðið og svo landið allt. Spurt er um vímuefni, rafrettunotkun, samskipti við foreldra, almenna líðan, tómstunda- og íþróttaiðkun og skjánotkun. Í heildina er ungt fólk í Kópavogi að koma vel út úr þessari könnun og ánægjulegt að notkun á vape minnkar.

Meirihluti ungmenna í Kópavogi stendur sig vel í þessum þáttum og vert að vera stolt af því. Samvera foreldra er sömuleiðis að aukast og gott að hafa hugfast að samvera foreldra og barna er ein besta forvörnin.

Ungt fólk í Kópavogi - skýrsla