Sérbýli og nýtt flokkunarkerfi

Íbúar í sérbýlum, það er í einbýlum, raðhúsum og parhúsum, fá þriðju tunnuna til sín nú þegar nýtt flokkunarkerfi tekur við. Tvískipt tunna, fyrir matarleifar og óendurvinnanlegt sorp, bætist við þær tvær sem fyrir eru. Bláa tunnan verður pappatunna og gráa tunnan verður plasttunna. Þessar tvær tunnur verða merktar á ný. Tekið skal fram að þegar dreifingu á tunnum verður að fullu lokið þá geta íbúar í sérbýlum sótt um að fá einnig tvískipta tunnu fyrir plast og pappír. Við kynnum þennan möguleika vel þegar hægt verður að sækja um og mælum með því fyrir áhugasöm að þau skoði vel hvort tvískipt tunna fyrir plast og pappír dugi heimilinu.