Kynningarfundur um tillögu að nýju aðalskipulagi

Kynningarfundur um tillögu að nýju aðalskipulagi verður haldinn fimmtudaginn 15.apríl, milli kl.16.30 til 18.00. Vegna aðstæðna í þjóðfélaginu verður fundinum streymt á heimasíðu bæjarins.

Tengill á fundinn verður á heimasíðu bæjarins á fundardegi. Upptaka af fundinum verður síðan gerð aðgengileg á vefsíðu bæjarins eftir fundinn. 

Hægt verður að senda inn fyrirspurnir til starfsmanna skipulagsdeildar meðan á fundinum stendur á tölvupóstfangið skipulag@kopavogur.is. Leitast verður við að svara spurningum sem berast á fundartíma, á meðan á fundinum stendur. 

Kynning á tillögunni stendur enn yfir í samræmi við 31. gr. skipulagslaga nr.  123/2010.

Tillöguna ásamt umhverfisskýrslu og fylgigögnum má nálgast á vefsíðu bæjarins og í þjónustuveri Kópavogsbæjar að Digranesvegi 1 frá kl. 8:30 til 16:00 mánudaga til fimmtudaga og á föstudögum frá 8:30 til 13:00.

Þeir sem telja sig eiga hagsmuna að gæta eru hvattir til að kynna sér tillöguna. Athugasemdir eða ábendingar skulu hafa borist skriflega til skipulagsdeildar umhverfissviðs, Digranesvegi 1, 200 Kópavogi eða á netfangið skipulag@kopavogur.is eigi síðar en kl. 15:00 fimmtudaginn 6. maí 2021.

Aðalskipulag - tillaga