Kópavogsdagar haldnir í ellefta sinn 8. til 11. maí

16.04.2014
Líf og fjör í Kópavogslaug
Líf og fjör í Kópavogslaug

Hin árlega menningarhátíð Kópavogs, Kópavogsdagar, fer fram dagana 8. til 11. maí. Dagskráin verður mjög fjölbreytt með dansi, leiklist, tónleikum og fleiru. Nú sem endranær er ókeypis inn á flesta viðburði á Kópavogsdögum.

Hátíðin sem er nú haldin í ellefta sinn hefur unnið sér sess á meðal bæjarbúa. Markmið Kópavogsdaga er að gefa bæjarbúum færi á að njóta ríkulegs menningarlífs bæjarins á nokkurs konar uppskeruhátíð.

Þeir sem hafa áhuga á þátttöku í hátíðinni er bent á að senda Örnu Schram forstöðumanni Listhúss Kópavogsbæjar póst á netfangið arnaschram@kopavogur.is 

Dagskrá hátíðarinnar verður kynnt er nær dregur.

Aftur í yfirlit