Dælustöð ekki á yfirfall

Breyting hefur verið gerð á tilhögun viðhalds spennustöðvar Veitna ohf. við Kársnesbraut þannig að ekki á að koma til þess að dælustöð fráveitu á Kársnesi fari á yfirfall í nótt.

Tilkynnt var um það í gær að vegna viðhalds á rafdreifikerfinu yrði dælustöðin rafmagnslaus aðfaranótt fimmtudags 28. júní frá kl. 00:00 til 07:00 og við það yrði skolpi veitt í sjó framan við dælustöðina.

Nú hefur verið ákveðið að útvega rafmagn með færanlegri varaaflstöð meðan á viðhaldi rafdreifikerfisins stendur. Truflun á rekstri dælustöðvarinnar verður því óveruleg.