Skrautlýsing við Skógarlind

Skrautlýsing í göngum undir Reykjanesbraut við Skógarlind hefur verið tekin í notkun. Lagt var upp með að lífga ásýnd mannvirkisins en jafnframt mátti ekki draga úr umferðaröryggi. Þess má geta að lýsingin breytist eftir árstíma, tíma dags og viðburðum.

Kveikt er á lýsingunni frá klukkan 7.00 til 22.00.

Það var fyrirtækið Luxor sem sá um uppsetningu og stillingar fyrir Kópavogsbæ.

Þess má geta að skrautlýsing á Fífuhvammsvegi milli Smáratorgs og Smáralindar hlaut Íslensku lýsingarverðlaunin árið 2015.