Óskað eftir tilnefningum

Jafnréttis- og mannréttindaráð Kópavogs óskar eftir tilnefningum til jafnréttis- og mannréttinda viðurkenningar ráðsins  fyrir árið 2020. Viðurkenningu geta hlotið einstaklingar, fyrirtæki, stofnanir, hópar eða félagasamtök, sem á einn eða annan hátt hafa skarað fram úr eða markað spor á sviði jafnréttis- og mannréttindamála.

Rökstuðningur vegna tilnefningar skal fylgja með. Einstaklingar, fyrirtæki, stofnanir,  hópar eða félagasamtök geta hvort heldur tilnefnt sig sjálf eða verið tilnefnd af öðrum.

Tilnefningum skal skila rafrænt eigi síðar en 12. október 2020 til jafnréttisráðgjafa á netfangið asakr (hja) kopavogur.is