Lokanir og malbikun þriðjudaginn 1. okt.

Stefnt er á að malbika tvær götur í Kópavogi  þriðjudaginn 1. okt. ef veður leyfir.

Kl. 8:00 verður frárein frá Reykjanesbraut að efra bílastæði Smáralindar lokað, áætlað er að hægt verði að hleypa umferð á veginn aftur um kl. 13:00.

Kl. 13:00 verður Hvammsvegi á milli Hlíðardalsvegar og gæsluvallar við Hvammsveg lokað, áætlað er að hægt verði að hleypa umferð á veginn aftur kl. 18:00.

Ökumönnum er bent á að virða lokanir og nota hjáleiðir á meðan framkvæmdir standa yfir.

Beðist er velvirðingar á þeim óþægindum sem framkvæmdirnar kunna að valda.