Hveralind gata ársins 2016

Í Hveralind afhjúpaði Margrét Friðriksdóttir, forseti bæjarstjórnar, viðurkenningakjöld og flutti ávarp. Margrét, Ármann Kr. Ólafsson bæjarstjóri, Hjördís Ýr Johnson formaður umhverfis- og samgöngunefndar og Hreiðar Oddsson varaformaður nefndarinnar gróðursettu svo tré ásamt íbúum götunnar. Bæjarstjórn Kópavogs valdi götu ársins á bæjarstjórnarfundi fyrr í sumar.

„Hveralind er stílhrein gata þar sem samspil stærðarhlutfalla húsa, lóðar og götu gefur götunni heildarbrag og fallega götumynd. Íbúar hafa lagt mikla rækt í einkagarða ásamt því að halda sameiginlegu svæði vel hirtu og snyrtilegu,“ segir í umsögn um götuna.

Ármann Kr. Ólafsson bæjarstjóri, Hjördís Ýr Johnsson formaður umhverfis- og samgöngunefndar og Hreiðar Oddsson varaformaður nefndarinnar afhentu viðurkenningarnar í Salnum. Að því loknu var haldið í vettvangsferð á slóðir verðlaunahafa, hús og lóðir skoðaðar.

Auk götu ársins voru veittar viðurkenningar fyrir endurgerð húsnæðis, hönnun og umhirðu húss og lóðar.

Umhverfisviðurkenningar Kópavogsbæjar 2016.

Gata ársins

Hveralind

Endurgerð húsnæðis

Hávegur 17: Eigendur Ragnar Lövdahl og Steinunn Gunnlaugsdóttir

Umhirða húss og lóðar

Akurhvarf 16: Eigendur Valgerður Baldursdóttir og Árni Baldursson

Jöklalind 1: Eigendur Böðvar Stefánsson og Karolína Þorsteinsdóttir

Hönnun

Almannakór 11: Hönnuður Björgvin Halldórsson hjá bh studio ehf.,  eigendur Lilja Björg Guðmundsdóttir og Vignir Steinþór Halldórsson.

Asparhvarf 22: Hönnuður Kristinn Ragnarsson hjá KRark efh., eigendur Haraldur Haukur Þorkelsson og Sigrún Jenný Barðadóttir.

Frostaþing 8: Hönnuður Logi Már Einarsson hjá Kollgátu arktiektúr ehf. , eigendur Guðbjörg Brá Gísladóttir og Oddur Sigurðsson

Umhirða húss og lóðar á nýbyggingarsvæði

Dalaþing 6: Hönnuður Guðmundur Gunnlaugsson hjá Archús ehf., eigendur Hólmar Ólafsson og Sigríður Rut Stanleysdóttir