Gosbrunnur slær í gegn

Gosbrunnurinn á túninu við Menningarhúsin í Kópavogi hefur verið afar vinsæll frá því að hann var tekinn í notkun 17.júní síðastliðinn. Gosbrunnurinn er greinilega kærkomin viðbót við það sem fyrir er á túninu og sést til barna á öllum aldri hlaupa í gegnum gosbrunninn þegar hann er í gangi. 

Kveikt er á gosbrunninum frá 9.00 til 20.00 á hverjum degi. 

Fyrir á túninu eru ærslabelgur, klifurgrind, borð og bekkir og nýtur svæðið mikillar hylla, einkum þegar veður er gott. Ærslabelgurinn fer í gang klukkan 8.00 á morgnana og er með lofti í til 21.00 á kvöldin.

Túnið er vinsæll áfangastaður leikjanámskeiða og einnig voru heimsóknir leikskólabarna tíðar, fyrir sumarfrí leikskólanna.

Við túnið standa flest menningarhús Kópavogsbæjar, Náttúrufræðistofa Kópavogs, Bókasafn Kópavogs, Salurinnn og Gerðarsafn.