Fjölmennt Símamót í Kópavogi

15.07.2016
Frá Símamótinu í fótbolta 2016.
Frá Símamótinu í fótbolta 2016.

Alls taka um 2000 þátttakendur þátt í Símamótinu í fótbolta sem fram fer í Kópavogsdal frá 14.-17. júlí.  Síminn og Breiðablik standa að mótinu sem er fjölmennasta opna fótboltamót landsins. Mótið er fyrir stúlkur í fimmta til sjöunda flokki. Dagskrá mótsins hófst að venju með skrúðgöngu frá Digraneskirkju að Kópavogsvelli. Fótboltaleikir standa svo yfir frá föstudegi til sunnudags.

Á heimasíðu mótsins eru að finna allar upplýsingar, um leiki, aðra dagskrá, bílastæði og fleira. Fjöldi gesta gistir á Kópavogstúninu eins og undanfarin ár en þar hefur verið komið upp tímabundinni aðstöðu fyrir tjöld og fellihýsi.

Nánar um Símamótið í fótbolta.

Aftur í yfirlit