Fjölbreytt sumarstörf hjá Kópavogsbæ

04.03.2016
Sigrún Eva við störf í Yndisgarðinum í Fossvogsdal í Kópavogi sumarið 2014.
Sigrún Eva við störf í Yndisgarðinum í Fossvogsdal í Kópavogi sumarið 2014.

Opnað hefur verið fyrir umsóknir um sumarstörf fyrir átján ára og eldri hjá Kópavogsbæ. Skilyrði fyrir ráðningu er að viðkomandi eigi lögheimili í Kópavogi og sé fæddur 1998 eða fyrr. Tekið verður við umsóknum til 4. apríl og er stefnt að því að öllum umsækjendum verði svarað í byrjun maí.  Störfin eru af margvíslegum toga og er sótt um þau rafrænt í gegnum umsóknarvef Kópavogsbæjar.

Um helmingur starfanna eru verkamannastörf við þjónustumiðstöð og íþróttavelli bæjarins en einnig eru ráðnir fjölmargir stjórnendur svosem flokkstjórar, leiðbeinendur og aðstoðarleiðbeinendur í Vinnuskóla og á ýmsum sumarnámskeiðum svo eitthvað sé nefnt. Reynt verður að bjóða öllum umsækjendum störf, þó þau verði ekki endilega þau sem sótt er um. Í fyrra voru um 550 manns ráðnir í sumarstarf hjá bænum.

Allir 14-17 ára unglingar, fæddir 1999-2002, sem eftir því óska, fá sumarvinnu í Vinnuskóla Kópavogs. Áætlanir gera ráð fyrir að ríflega 900 unglingar komi þar til vinnu í sumar. Opnað verður fyrir umsóknir í vinnuskólann í apríl. Verður það auglýst hér á vef bæjarins.

Sumarstörf í Kópavogi, smellið hér.

Aftur í yfirlit