Fimm milljónir frá húsafriðunarsjóði

30.05.2013
Kvenfélagið Hringurinn byggði Hressingarhælið af miklum myndarskap fyrir söfnunarfé árið 1926 eftir…
Kvenfélagið Hringurinn byggði Hressingarhælið af miklum myndarskap fyrir söfnunarfé árið 1926 eftir teikningu Guðjóns Samúelssonar.

Einn hæsti styrkur húsafriðunarsjóðs í ár fór til viðhalds á Hressingarhælinu gamla í Kópavogi og nemur styrkurinn fimm milljónum króna. Hressingarhælið var friðað síðasta haust. Fjármununum verður varið í utanhússviðgerðir í ár, m.a. á að endurnýja glugga, útihurðir og þak. Í fjárhagsáætlun bæjarins fyrir árið er jafnframt gert ráð fyrir 30 milljónum í verkið.

Kvenfélagið Hringurinn byggði Hressingarhælið af miklum myndarskap fyrir söfnunarfé árið 1926 eftir teikningu Guðjóns Samúelssonar.

Húsið hefur hins vegar verið í mikilli niðurníðslu undanfarin ár. Bæjarstjórn Kópavogs ákvað á síðasta ára að hefja endurbætur á húsinu en vonast er til að starfsemi geti hafist í því á 60 ára afmæli Kópavogsbæjar 11. maí 2015.

Kópavogsfélagið, félag áhugafólks um endurreisn hælisins og gamla Kópavogsbæjarins, vinnur nú að því að koma með hugmyndir að mögulegri starfsemi í húsinu. Stefnt er að því að tillögur verði lagðar fyrir bæjarráð innan tíðar.

Ráðgert er að utanhússviðgerðum á Hressingarhælinu ljúki í haust.

Aftur í yfirlit