Erasmus+ styrkir til spjaldtölvuinnleiðingar

26.06.2015
Kennarar í Kópavogi á spjaldtölvunámskeiði sem haldið var í Hörpu 12. júní 2015, degi eftir að kenn…
Kennarar í Kópavogi á spjaldtölvunámskeiði sem haldið var í Hörpu 12. júní 2015, degi eftir að kennarar fengu spjaldtölvur afhentar.
Kópavogsbær hefur hlotið styrk frá Erasmus+ að upphæð fimm milljónir króna og verður styrkurinn nýttur í þágu innleiðingar spjaldtölva í skólastarfi. Ætlunin er að styrkurinn verði nýttur til náms- og kynnisferðar til Odder í Danmörku, en þar hafa spjaldtölvur verið nýttar í skólastarfi með góðum árangri um nokkurra ára skeið. „Ljóst er að sækja má bæði kunnáttu og reynslu til Odder sem getur komið að góðum notum þegar spjaldtölvur verða innleiddar í grunnskólum Kópavogs,“ segir Björn Gunnlaugsson, verkefnastjóri spjaldtölvuinnleiðingar í Kópavogsbæ. 

Alls var ríflega 400 milljónum krónar úthlutað til 39 Erasmus+ menntaverkefna um alla Evrópu með þátttöku nærri eitt hundrað skóla, fyrirtækja og stofnana.

Markmið Erasmus+ áætlunarinnar fyrir menntahlutann eru meðal annars að styðja verkefni sem miða að því að efla grunnþætti eins og læsi og stærðfræði, ýta undir sköpunargáfu og frumkvæði nemenda, vinna gegn brotthvarfi, innleiða upplýsingatækni og almennt efla gæði í menntun á öllum skólastigum og í atvinnulífi.

Aftur í yfirlit