Auglýst eftir bæjar- og heiðurslistamanni

06.04.2016

Theodór Júlíusson heiðurslistamaður 2014, Jón Adolf Steinólfsson bæjarlistamaður 2015, Ragnar Th. Sigurðsson heiðurslistamaður 2015, Karen E. Halldórsdóttir, formaður lista- og menningarráðs og Ármann Kr. Ólafsson bæjarstóri Kópavogs.

Lista- og menningarráð Kópavogs auglýsir eftir umsóknum eða ábendingum um bæjarlistamann Kópavogs og heiðurslistamann Kópavogs. Bæjarlistamaður Kópavogs skal vera tilbúinn til að vinna með lista- og menningarráði og menningarhúsum bæjarins að því að efla áhuga á list og listsköpun í Kópavogi og taka þátt í viðburðum bæjarins með það að leiðarljósi. Með vali á heiðurslistamanni er verið að heiðra listamann fyrir ævistarf.

Tilgangurinn er að varpa ljósi á þá fjölmörgu og hæfileikaríku listamenn sem búa í Kópavogi og hafa átt þátt í því að auðga menningarlíf bæjarins í gegnum árin. Lista- og menningarráð fer yfir umsóknir og ábendingar og tilnefnir bæjarlistamann og heiðurslistamann til eins árs í senn.

Styrkupphæð bæjarlistamanns nemur einni milljón króna. Í umsóknum eða ábendingum skulu koma fram upplýsingar um náms- og starfsferil viðkomandi og með ábendingu eða umsókn um bæjarlistamann skulu auk þess koma fram hugmyndir um á hvern hátt nýta eigi styrkinn við listsköpun.

Umsókn eða ábendingar skal senda fyrir 1. maí á netfangið: menning@kopavogur.is.

Þeir listamenn koma einir til greina sem eiga lögheimili í Kópavogi.

Lista- og menningarráð hefur um árabil heiðrað listamann í Kópavogi fyrir ævistarf en síðustu ár hefur það einnig útnefnt bæjarlistmann. Jón Adolf Steinólfsson var útnefndur bæjarlistamaður á síðasta ári og heiðurslistamaður Kópavogs er Ragnar Th. Sigurðsson.

Aftur í yfirlit

Auglýst eftir bæjar- og heiðurslistamanni

Fréttasafn