Fréttir & tilkynningar

Nemendur í Smárahverfi í Kópavogi spreyttu sig á Íslandsmeti í faðmlagi þegar þau knúsuðust í tilefni Vináttugöngu í bænum. Börnin gengu fylktu liði í Fífuna þar sem þau mynduðu hjarta, tóku víkingaklapp og föðmuðust í tvær mínútur, sem mun vera Íslandsmet.

Fjárhagsáætlun Kópavogsbæjar fyrir árið 2017 var lögð fram til fyrri umræðu í bæjarstjórn Kópavogs í dag, 8.nóvember 2016. Þá var einnig lögð fram langtímaáætlun fyrir tímabilið 2018-2020. Fjárhagsáætlun bæjarins er unnin í samvinnu allra flokkanna í bæjarstjórn.

Bláu ruslatunnurnar í Kópavogi verða frá deginum í dag bæði fyrir plast og pappír, í stað þess að vera eingöngu fyrir pappír. Tunnurnar verða tæmdar oftar en gert hefur verið hingað til, á 16 daga fresti í stað 28 daga fresti áður. Gráu tunnurnar, fyrir almennt sorp, verða sem fyrr tæmdar á 14 daga fresti.

Kjörfundur vegna alþingiskosninganna 29. október hefst kl. 9 og lýkur kl. 22. Kjörstaðir í Kópavogi verða tveir, í Smáranum og í Kórnum.

Áninga- og útsýnisstaður í Kórahverfi vestan við Fjallakór hefur verið tekinn í notkun. Staðurinn er hugmynd frá íbúa, Maríu Maríusdóttur, sem var valinn af íbúum Kópavogs í kosningu í verkefninu Okkar Kópavogur. Áningarstaðurinn er fyrsta verkefnið úr Okkar Kópavogi sem tekið er formlega í notkun.

Dagana 17. -19. október komu hátt í þrjú þúsund börn úr grunnskólum Kópavogs í Salinn. Nemendur 1. – 3. bekkjar grunnskóla Kópavogs var boðið að sjá og hlusta á sýninguna Pétur og úlfurinn eftir Prokofiev í uppfærslu brúðumeistarans Bernd Ogrodnik. Sýningarnar voru liður í dagskrá Menningarhúsanna „Menning fyrir alla“.

Listahátíðin Cycle er vettvangur samtímatónlistar og myndlistar. Hátíðin er haldin í annað skipti í listhúsum Kópavogs 27. október til 30. október, auk þess sem hún teygir anga sína út um alla Hamraborgina. Hátíðin samanstendur af sýningu í Gerðarsafni, fjölmörgum tónleikum og gjörningum.

Lista- og menningarráð Kópavogsbæjar efnir í sextánda sinn til árlegu ljóðasamkeppninnar um Ljóðstaf Jóns úr Vör.

Jafnréttis- og mannréttindaráð Kópavogsbæjar óskar eftir tilnefningum vegna viðurkenningar sem veitt er árlega til stofnunar, einstaklings, félags eða fyrirtækis sem hafa unnið að jafnréttis- og mannréttindamálum í Kópavogi.

Lista- og menningarráð Kópavogsbæjar auglýsir eftir umsóknum um styrki úr lista- og menningarsjóði vegna verkefna á næsta ári.