![Heimsmarkmið 12 Heimsmarkmið 12](https://www.kopavogur.is/static/files/Stefnur/heimsm-merki/heimsmarkmid-logo-page-012.jpg)
Umhverfi og lýðheilsa eru samtvinnuð og því leggur Kópavogsbær áherslu á umhverfismótun sem felur í sér varðveislu grænna svæða til leiks, íþrótta, samvista og útiveru. Lýðheilsa snýr meðal annars að skipulagsmálum, loftlagsmálum, hljóðvist, sjálfbærni og meðhöndlun úrgangs.
Kappkostað verður að draga úr matarsóun í samræmi við heimsmarkmið 12.3 sem stefnir að því að minnka sóun matvæla um helming á hvern einstakling fyrir 2030.
![Það sem barninu er fyrir bestu 3 Það sem barninu er fyrir bestu 3](/static/files/Stefnur/heimsm-merki/thad-er-barninu-fyrir-bestu-3.png)
Sem Barnvænt sveitarfélag og samfélag sem leggur grunn að góðri lýðheilsu er tekið mið af sjálfbærri þróun í starfi bæjarins og að bæði manngert og náttúrulegt umhverfi sé til þess fallið að efla lýðheilsu bæjarbúa. Kópavogsbær leitast við að skapa aðstæður sem hjálpa börnum jafnt sem fullorðnum til að stunda hreyfingu, leik og útivist og njóta menningar í sínu nánasta umhverfi.
![Heimsmarkmið 11 Heimsmarkmið 11](/static/files/Stefnur/heimsm-merki/heimsmarkmid-logo-page-011.jpg)
Í anda heimsmarkmiðs 11.2 leggur Kópavogsbær áherslu á vistvænar samgöngur meðal annars með því að tryggja gott og vel merkt stígakerfi með viðeigandi árstíðabundinni þjónustu til að auka öryggi og draga úr slysahættu. Lagt er upp úr góðu aðgengi meðal annars fyrir fatlaða og aldraða svo sem með því að hafa bekki til að hvílast á.
![Heimsmarkmið 12 Heimsmarkmið 12](https://www.kopavogur.is/static/files/Stefnur/heimsm-merki/heimsmarkmid-logo-page-012.jpg)
Bærinn býður bæjarbúum upp á matjurtagarða sem ýtir undir sjálfbæra hugsun, ábyrga neyslu, útiveru og hollustu í takt við heimsmarkmið 12.2. Matjurtagarðar eru í boði fyrir skólabörn (skólagarðar) og fullorðna (garðlönd) og yngstu börnin fá aðstoð og kennslu við ræktun grænmetis.