Í Vatnsendahvarfi rís nýtt íbúðahverfi á einstökum útsýnisstað. Leik- og grunnskóli er í hverfinu og fjölbreytt þjónusta í næsta nágrenni.
Opnað verður fyrir tilboð í lóðir í öðrum áfanga úthlutunar í Vatnsendahvarfi um miðjan ágúst. Í öðrum áfanga verður úthlutað lóðum fyrir einbýlishús, parhús, klasahús og fjölbýli. Gefinn verður fjögurra vikna frestur frá því að útboðsvefur opnar, til þess að skila inn tilboðum.
Í Vatnsendahvarfi verða 500 íbúðir í fjölbýli og sérbýli og fellur byggðin vel að nágrenninu. Lögð er áhersla á sjálfbæra og umhverfisvæna byggð og góðar samgöngutengingar fyrir akandi, hjólandi og gangandi vegfarendur.
Stefnt er að því að lóðir í öðrum áfanga verði byggingarhæfar í ágúst 2025.
Spurt og svarað um Vatnsendahvarf